Main Menu

Sorkari Medical college re paṛhao renak̕ aphsorec̕ ńamkedae Rilạmala melody soren

2019-2020 o̠lo̠k̕ parahạo serma sorkari ar besorkari medical college MBBS (Bachelor of Medicine and Bachelor of surgeroy) bhạtic̕ (Course) pạhil serma bhurti biḍạu reak̕ jo so̠do̠rena. Calaoen moṅgo̠lbar noa jạhirena.
Ar noa biḍạu re santal kuṛi Rilạmala melody soren pass kate sorkari medical parhao reak̕ opshor ńamkeda.Noa biḍạu re Uniak̕ Roll no̠mbo̠r do̠ tahẽlena 162477, ńamakan guṭ (Total) no̠mbo̠r mit̕ isi (Score) 62.75, Merit mit̕ isi (Score) 262.75, Merit jaega (Position) 7885, ar  nue do̠ sirajgońj medical college paṛhao lạgit̕ec̕ bachaoakana. Uni do̠ Rajshahi model high School khoe SSC (Secondary School certificate) biḍạu re Golḍen 5.00 ( Talent te pạhil kilạs) ar Rajshahi govt women college khoe HSC (Higher secondary Certificate) biḍạu re GPA 5.00 ńam katec̕ pass leda. Uniak̕ o̠ṛak̕ do̠ Raṅpur jilạ re.
Calaoen 11 okṭober goṭa diso̠m re mit̕ sãothe MBBS bhurti biḍau hoyena. Ona biḍạu re sorkari ar besarkari medical collecge parhao opshor ńam lạgit̕ 10,400 seat ulṭạ re 69,404 pạṛhaic̕ ko se̠le̠t̕lena.Ar noa biḍạu re 49,413 ho̠ṛ ko pass keda. Ona modre 26,531 goṭen do̠ kuṛi kanakko, 22,882 do̠ ko̠ṛa kanako.
Noa serma okoe ko̠ṛa MBBS biḍạu  pạhil jaega hataoakda uniak̕ no̠mbo̠r do̠ 90.5. Ar kuṛi ko modre okoe pạhil kana uniak̕ no̠mbo̠r do̠ 89.67.

 

Phoṭo hatao: facebook khoe

Noa o̠no̠l pasnaoakana:
  •  
  •  
  •  
  •  
  •  
  •  
  •