Main Menu

Santal koak̕ Maraṅ po̠ro̠b Sohrae

Sohrae do̠ santal koak̕ maraṅ utạr ar ḍher rạskạwanak̕ po̠ro̠b kana. Sohrae ńutum do̠ saṛhao khoe hec̕akana. Goṭa serma ato jạruṛa jom nu em kate napae dohoe lạgit̕ o̠ṛak̕ ar ato ren boṅga gun manao saṛhaoko emkoa noa po̠ro̠b re. Pus cando (December- January) re Huṛu get̕ kate se nãwã Phosol rakap̕ Tayo̠m sisirirjạuic̕ saṛhaoea ar un ńutum te koejoṅ jemon nãwã phosol jomte ruạ haso alok̕ ńamako.

Po̠ro̠b reak̕ ạricali

Pạhil din (Um hilok̕)
Ato ren ho̠ṛ mańjhi haramak̕ ạyur te kulhi durup̕ kate sohrae p̠oro̠b manao reak̕ mahako gotạeak̕. Inạ tayo̠m Goḍet ( The village messenger of the santal people) sisijạuic̕ se boṅga ńutum dare samaṅ lạgit̕ caole, sim, buluń, peaj, emanteak̕ec̕ jogarak̕. Onako sanam jinis uni do̠ naekeak̕ (Priest) o̠ṛak̕ reko dohoeak̕. Un hiạk̕ naeke eskar ge pạṭio aṭet̕ katet̕ japit̕ak̕.

Dosar hilok̕ oka sohare reak̕ pạhil din Um hilok̕ko menak̕ (The word of um means to bathe and hilok̕ means Day). Oka din ato ren sanamko ako o̠ṛak̕ ar racako saphaeak̕. Tikin sec̕ Naeke ar goḍet atoren baba ho̠ṛko sãothe phosol barge reko calak̕a. Jaha re dewa sewa lạgit̕ jaega ko tearak̕. Ona jaega reak̕ ńutum do̠ko metak̕kana goṭ ṭanḍi onare dare samaṅ em renak̕ ạricali reak̕ ńutum do̠ goṭ pujạ. Noṅde naeke dewa sewa khond tear kate, thura adwa caole ar mõ̠ṛẽ̠ goṭen sindur reak̕ cinhạe taerak̕ jaherkhond lahare. Bijor no̠mbo̠r asirbad cinhạ menteko oromak̕. Jaher khond talere mit̕ṭen bele doho kate ona do̠ sindur teko cinhạeak̕. Inạ cada eṭak̕ boṅga ńutum tehõ̠e koeak̕ jemon noa po̠ro̠b re unko asirbadko ńam. Ar sanam lekan bạric̕ khon bancaoko. Ona caḍa hõ̠ atorne naeke mare hapṛamkoak̕ atma disạete se atoren jo̠to̠ lekan boṅga ńutumte sim ho̠po̠n dãṛẽ samaṅak̕ koa. Dewa sewa tayo̠m sanam oṛak̕ kho̠n jogarakan caole-dạl mesal kate daka kate ato ren sanamko jom ńua. Ato ho̠ṛ caḍa hõ̠ atoren asulakan daṅra, kaḍa ńutum te hõ̠ naeke Bintiak̕. Onak̕ Tayo̠m baṛge re atiń baraeakan asulakana janwarko dewa sewa jaega reko agukoa. Dewa sewa lạgit̕ beoharok̕ Kaera sakam okoe daṅra jomak̕ Uniak̕ boho rege Siṇdurko emok̕a ar uniren mạlik̕ se janwar hõ̠ bhage cinhạ mente hudisok̕a. Noa rạska te uniren mạik daraekan sohrae re lạṭu daṛe sandes em renak̕ katha lae jạhirak̕. Ạyup̕ jokhe̠c̕ naeka baṛge re bele doho kate Ona cetante Gupi ko̠ṛako daṅra, kaḍa calao menkoa. Jahae o̠ṛak̕ ren daṅra se kaḍaok̕ kaṭare Ona bele jos lenkhan, daraekan magh cando re caole renak̕ hạḍi em lagak̕a. Jahe o̠ṛak̕ ren Daṅra kaṭa re bele josok̕a, kathae noa do̠ onak̕ ghrońj lạgit̕ bhage cinhạ mente ganok̕a. Inạ tayom ato ren sanamko madạl rũ são e̠ne̠c̕ ar sereń kate neake panja kate ato reko bo̠lo̠k̕a. Mucạt ato re hec̕ jo̠to̠ gharońj ren girhạt apnar apnar o̠ṛak modre maraṅ buru ar sen lahaoakana ho̠ṛkoak̕ atam disạete Hạnḍi manotak̕ cedak̕ unko akoak̕ dhạrtipuri se hanapuri re sohrae renak̕ rạskạ reko se̠le̠t̕ok̕. Goc̕ kate hanpuri calaoakan ho̠̣rko disạ kate otre ṭhura hạnḍiko coḍorak̕, ar sarec̕ hạnḍi o̠ṛak̕ ho̠ṛko nueak̕.

Dosar din Khuntạu hilok̕

Sohrae renak̕ dosar maha doko metak̕ kana Boṅga maha (Spritual God) se daka maha. Noa din sanam ho̠ṛkoak̕ o̠ṛak̕ re peṛako hijuak̕. Nio din o̠ṛak̕ ren mạlik̕ upạsec̕ tahẽna ar o̠rạk̕ boṅga ńutum hạnḍi tec̕ dewa sewaec̕. Inạ tayo̠m oṛak̕ ren ho̠ṛko ona hạnḍiko nueak̕ ar sarec̕ do̠ aḍe pase ren ho̠̣rko. Un hilạk̕ sanam ho̠ṛkoak̕ o̠ṛak̕ re hako se jil utu ho̠yo̠k̕a Oka maha ạyup̕ bela gadoe e̠ho̠p̕ak̕ atoren jog mańjhiak̕ o̠ṛak̕ khoe sanam o̠ṛak̕. aema lekan e̠ne̠c̕ sereń hoyok̕a. Oka do̠ Jog mańjhiak̕ o̠ṛak̕ rege arhõ̠ mucạtak̕.
khuntạu
Sohraeak̕ tesar maha do̠ metak̕ kana khuntạu, oka din daṅra ghas jom lạgit̕ baṛge reko tolkoa. Ato ren jog mańjhi juạn ko̠ṛakoe hukumakoae paranik ar jog paranik goṛoae lạgit̕ jemon oka o̠ṛak̕ laha re daṅrako námok̕ onko khuntạu. Onak̕ maha laha Dak̕ são holoṅ mesal kate daṅra goṛa o̠rạkkore santal koak̕ judạ judạ pạris ńutum te judạ judạ aṅgao (Design) akaoak̕. Noa din setak̕ khoe usul janwarko paera kate ar sunum o̠jo̠k̕ kate daṅrak̕ diriṅ rec̕ huru, huru gele reak̕ se lạḍu reak̕ mala tear kate horok̕ac̕ko. Inạ tayo̠m ato ren naeke, jog mańjhi arhõ̠ ayuric̕ko o̠ṛak̕ o̠ṛak̕ calao kate daṅra goṛa daṅrak̕ bhageak̕ hudis kate sereń kateko koeak̕. Sanam o̠ṛak onko doko jom-ńu koa. Noa maha hõ̠ e̠ne̠c̕ sereń ho̠yo̠k̕a.

 Tesar  maha Jale Hilok̕
Sohrae reak̕ pon maha doko metak̕ kana jale maha. Oka din o̠ṛak̕ o̠ṛak̕ juạnko caole ar ututiac̕ ko rakap̕ak̕. Ar sanam atoren jog mańjhiak̕ o̠ṛak̕ reko dohoeak̕, onḍe ge jom nu tearok̕a. Sãoṭhe sisir hạṇdi (Dew-Beer) hõ̠ko nueak̕. Inạ tao̠m Juạn ko̠ṛa kuṛiko e̠ne̠c̕ sereńako, oka do̠ ḍahar e̠ne̠c̕ko metak̕kana. Ona ńinḍa do̠ jog mańjhiak̕ o̠ṛak̕ reko jirạuak̕.

Pon maha Kaṭkom Hilok̕

Sohrae pon maha tayo̠m mit̕ din do̠ jirạu lạgit̕ doho hoeakana. Ona di̠n doko menak̕ Hako-kạtkom se hako kaṭkom jom reak̕ maha.

 Mucạt maha Sakrat
Sorhae renak̕ mucạt maha doko metak̕ kana sakrat. Noa sapṛao lạgit̕ atoren goḍet ṭamak̕ rukate ho̠ṛec̕ jaroa koae. Nio maha re ato ren baba ho̠ṛko sendra ko calak̕a, oka jokhec̕ Bir sereń ko sereńak̕. Oka atma pạhil din dewa sewa kate ato barhere agu hoelena, te̠he̠ń arhõ̠ akoak̕ jaega reko idi ruạr koa. Setak̕ bela naeke ato ren baba ho̠ṛko são bir re sendṛako calak̕a. Okare naekeren bạhuak̕ tearakana adwa caole reak̕ pea piṭhạ mit̕ṭen kaera dare khunṭi cetan doho kate saṅgiṅ khoeko tuṅak̕. Noa reak̕ mane ato re bạric̕ atmae bo̠lok̕ lenkhan, noṅka leka bo̠to̠rco kate lagaic̕ko. Inạ tayo̠m ona dare reak̕ khunṭi aema kecak̕ kate pạhil re jahae tuṅ kate ona piṭhạ ńurhaokada uni do̠ onako kecak̕ dea re lade kate Dạnguạ ko̠ṛak̕ gugute ato rec̕ bo̠lo̠k̕a. Un jokhec̕ ato ren ko̠ṛa kuṛi dahar rec̕ aema lekan e̠ne̠c̕, gate ko uduk̕a. Mucạt re sanamko sereń kate mańjhi haram, naeke, ato ren eṭak̕ ayuric̕koak̕ o̠ṛak̕ re caole hạnḍi nu kate o̠ṛak̕ko ruạṛoko.

Sohrae reak̕ jo̠to̠ khoe jạruṛ bisoe kana, sohrae ho̠ṛko se̠le̠t̕ são asul janwarko hõ̠ noa po̠ro̠b re se̠le̠t̕ lạgit̕ jaegako dohoekada sedae ren mare hapramko. Cedak̕ je mit̕ṭen asul janwar khoe jahan gharońjak̕ lahanti ho̠yo̠k̕kana aema lekate se duk muhim, awaṭapa rec̕ aema lekate goṛo emabonkanae. Sohrae abo disạ abon kanae Khạli ho̠ṛ do̠ baṅ sanam jan janwar bhạsi ren ho̠po̠n kanako. Onate rạskạ sanamko ṭhec̕ bhag do̠ jạruṛ gea.

Noa o̠no̠l pasnaoakana:
  •  
  •  
  •  
  •  
  •  
  •  
  •  


« (Previous News)