Main Menu

Santal Hul Reak̕ Itihạ̃s

Sidu murmu ar kạnhu murmu do̠kin pon boeha kana. Unko do̠ ạḍi dilgạriạ ar bir banṭa ko tahẽkana. Noko do̠ Britis raj ar mo̠hajo̠n sud jo̠jo̠m ko, re̠re̠c̕ ko luṭpaṭ ko jo̠bo̠r do̠kho̠l hatao ko, gańjon ko, santhao ko ar ko̠clo̠n ko birud re santal ho̠po̠n kokin ranajo̠ṭ let̕kowa. Ar onko birud reko lạṛhại lena. Unkin ren arhõ̠ bar ḍilgạriạ birbanṭa boeha cand murmu ar bhaero murmu. Onkoren misera phulo murmu ar jhano murmu unkin hõ̠ he̠re̠l ho̠po̠n lekage ak̕ ạpạṛiante bạiri ko birud rekin lạṛhạilena. Noko jo̠to̠ birbanṭage santal so̠majren go̠ro̠b kanako.1855 serma renak̕ 30 jun sido ar kạnhu do̠ akinak̕ janam ato bho̠gnaḍi (akoak̕ janam ato oka do̠ Jharkhanḍ rajje renak̕ sahebgańj jilạ re menak̕) maedan re maran sabha kin ho̠ho̠leda. Sabhare 400 atoren 30 khon 50 hajar ho̠ṛ ho̠po̠nko jaora lena. Santal ho̠po̠nak̕ niạm lekate ul ḍạr tarenre go̠k̕ kate ato ato dãṛã dãṛã teko ḍhạrwạk̕ leda. Sabhare santal ho̠po̠nko do̠ sạdhin rajosti benao bakhra ko guṭleda. Noa guṭ katha birtis east india kompany sarkar ṭhen lai so̠do̠r lạgit̕ o̠nḍe kho̠n ge kolkata se̠c̕ko mo̠hnḍa lena. Menkhan se̠nok̕ ho̠ṛre 7 julại barhet bajar aṛe̠re henak̕ panckathia ato bare bhuṭare kaṭijibạ mo̠hoajo̠n kenaram bho̠go̠t ar moheslal do̠tto̠ daroga tạkinko goc̕ ke̠t̕kin khange hul e̠ho̠p̕eana.Bhognadi ato barhet bajar do̠ Jharkhand rajre santal pargana renak̕ sahebgong jilạre henak̕. 8 cando lạṛhai hoylena . Ak̕ ạpạṛiyante birṭis east india kompany sarkarak̕ paltonko birud lạṛhạire 20 hajar arhõ̠ okoe doko mena 50 hajar kho̠n jạsti santal ho̠po̠nko mãyãm goha le̠na. E̠ke̠n sido kạnhu gharońj khonge 7 ho̠ṛ ko mãyãm gohalena . lạṛhại cabalena 1856 serma renak̕ 27 janwari. Birtis raj birudre noa lạṛhại do̠ ‘santan hull’ se sidu –kạnhu hul hõ̠ metak̕. Ona kho̠n ge 30 jun do̠ hul mãhã metak̕ kana ar manao ạguyda. Menkhan santal Hul renak̕ lạṛahai 75 serma laha gi e̠hop̕lena. 1780 sal renak̕ santalko cetan ko̠clo̠n ńelte ạḍi namdạk Birbanṭa tilka murmu Pạhil hul e̠ho̠p̕leda. Okoe do̠ hul do̠l tear kate mõ̠ṛẽ̠ serma habic̕ eṅlish kompań sorkar birudre hul laha idileda. 1784 serma renak̕ 14 january re ac̕ak̕ ak̕ ạpạṛi tuṅ te Bhagol purrn British Collector kliblanḍ goc̕ kediaay. 1875 serma uni doe sab ńamenae ar uni do̠ fasi teko goc̕ kedae. Inạ chaḍa 1821, 1820, 1831 ar 1855-56 sal re noa hul renak̕ se̠ṅge̠l Jul lena. Tayom te 1871, 1874-75 ar 1880-81 serma hul renak̕ Hul lạṛhai hoelena. Ona chaḍa 1926-1932 serma re Bharot renak̕ malḍa jilạ Jitu hembromak̕ ayur te hul hoelna. Noa hul ge bharot renak̕ briṭis raj birud re ar bharot diso̠m sạdhin bakhra pạhil uṭạr marań hul kana.

Noa hul hoelen tege briṭis raj do santal ho̠po̠n girạbạsiko tãhẽkan ilạkako doe soṅ be̠gar keda . Noa soṅ begar ilạka Santal pargana ńutumte santal ho̠po̠nko lạgit̕ girạbạsi jaegae aṅgo̠̕ckeda.

Santal Hul renak̕ sermako: 1780 serma 13 janwari: Dilgạriạ Birbanṭa tilka murmuak̕ santal hul do̠l tear kate 5 mõ̠ṛẽ̠ serma habic̕ Bristish East India kompany sorkark̕ birudre hul calao idi leda.

1784 serma 17 Januari: Tika mańjhiak̕ ak̕ ạpạri tuṅ te Rajmahal ar Bhagol pur ren collector klivland jiwi at̕.

3.1785 serma: Tilka mańjhi sab ńamena ar uni do̠ enrej sarkar fasi kateko goc̕ kedea.

1811 serma: Aema birbanṭa ayric̕ko hote̠te̠ do̠sar dhao leka santal hul tear rakap̕ ena.

1820 sema: Aema birbanṭa ayric̕ko hote̠te̠ teasar dhao leka santal hul tear rakap̕ena.

1831 serma: Aema birbanṭa ayric̕ko hote̠te̠ pon dhao leka santal hul tear rakap̕ ena

1855 serma 30 June: Bhognaḍi ato re ho̠hao akan maraṅ sabha re sidhu-kanhuak̕ katha so̠do̠r ar Santal raj tear rakap lạgit̕ 10 hajar santal ho̠po̠n koak̕ kiriạ ar kolkata nagrah pahil mit̕taram. Oka do̠ british koak̕ nagrah tahẽlna ar santal ko akoak̕ karac̕ kuruc̕ onḍe so̠do̠r lạgit̕ ko calaolena. Noa gi mõ̠ṛẽ̠ ar maraṅ hul renak̕ e̠ho̠p̕ rena cinhạ̣ tahẽlena.

1855 serma 7 July: Santal ho̠po̠nkoak̕ tire baric̕ sud jo̠jo̠m mo̠hajo̠n kenaram bhagot ar dighi thana re ko̠clo̠nic̕ daroga moheslala daroga go̠c̕ ke̠te̕ hul se̠ṅge̠l do̠ julena.

1855 serma 11 July: Santal hul thir lạgit̕ eṅrej army ren major barojer kalgao hec̕.

1855 serma 12 july: Sidhu, kạnhu, Cand, Bhaero ạyurte pakur re bo̠lok̕ ar dhawa.

1855 serma 13 July: Kadamsayere irạl regiment he̠c̕. Hul larhao e̠ho̠p̕ renak̕ cinhạ.

1855 serma renak̕ 15 July: Pakur renak̕ Tarae gaḍa arere santal hulgạriạ birbanṭa são enrej iṛal regimentak̕ samaṅ lạṛhai. lạṛhai re santal hulgạrịa koak̕ hirao

1855 serma 16 July: Pialpur lạṛhai re santal hulgạriạ birbantakoak̕ lạṛhai re enrej do̠lak̕ hirao.

1855 serma 18 July: Bhagol pur nagrah reak̕ 20 mile reak̕ aema santal ato kore santal hulgạriạ birbanṭakoak̕ hul lạṛhai lạgit̕ saprao.

1855 serma renak̕ 20 July: Birbhum dakhin-pachim nakha khoe sãethia habic̕ ar utạr-pachim se̠c̕ bhagolpur ar rajmahal khoe bhagolpur jilạ reak̕ utạr-purub nakha habic̕ santal hulgạriạ birbanṭakoak̕ raj pasnao.

1855 serma 21 July: Katna ato enrej do̠l koak̕ hirao.

1855 serma 23 July: Birbhum renak̕ namḍak̕ bepari jaega nagpur bajar lo rapak̕.

1855 serma 24 July: Barharora-Barohayat dahar re roghunathpur reak̕ mursidabadren Majistrat MR. TUPUḌak̕ ạyurte enrej do̠lak̕ tire Cand ar kạnhuak̕ hirao.

1855 serma 29 July: Enrej Kapṭan Gorḍon ạyurte Munhan ar munkatro ato lo̠ rapak̕.

1855 serma 30 July: Enrej leftenanṭ ạyurte arhõ̠ iṛal goṭen santal ato lo̠ rapak̕.

1855 serma 17 August: East India kompany sorkar khoe santal hulgạriạ birbanṭa surrender lạgit̕ kagoj ko so̠do̠r ar pasnao kedako menkhan santal hugạriạ binbanṭa doko noa bako manao leda.

1855 serma 16 September: Mocia, Kãsajola, Raj pargana ar Sundra kasirak̕ ạyurte o̠po̠rbad thana ar ato luṭpaṭ.

1855 serma 10 November: Enrej Sorkar hote̠te̠ Martial law ko rạṛ saḍe kedako.

1856 serma 3 January: Martial law rakap̕ .

1856 serma 14 January: Barhaiter surre barmasia ilạkare hul pasnao ar on okte Sangrampur renak̕ Uropian Factory santal ̣ hulgạriạ birbanṭa hote̠te̠ luṭpaṭ.

1856 serma 23 January: Sujaram purre Granṭ sahebak̕ Kuṭhi luṭpaṭ.

1856 serma 27 January: Enrej Leftenanṭ fegan saheb ạyurte Bhagolpur hill rengers do̠l sãothe maraṅ reak̕ lạṛhai re santal hulgạriạ birbanṭa koak̕ hirao.

1856 serma February dosar ar tesar hapta: Sidhu kanhuak̕ Jiwi alae.

Noa o̠no̠l pasnaoakana:
  •  
  •  
  •  
  •  
  •  
  •  
  •