Main Menu

Rajshahi Nagraha re Santali Grammer babod sikhnạt Akhṛa purạuena

Calaoen sanicar Rajshahi Nagraha re Language Resource Hub, E- Cottagere, Dinajpur Go̠ṛo̠te ASROE Centre (Tala) re santali grammer babod “Santal Sikhhnạt Akhra” ńutuman mit̕ workshop hoeena. Ar niọ Santali cet̕ reak̕ ạkhra re 196 goṭen Kolej ar universiṭi o̠lo̠k̕ parhao ko̠ṛa kuṛi se̠le̠t̕lena. Okoe noṅde santali Grammer dhara lekate santali lipi o̠no̠l babaod ạkilko hamet̕joṅ keda. Khạli santali o̠l dhara ge baṅ, Santali Behạṭińo̠k̕ haro̠pmala ( Vowels), Haṭińo̠k̕ Haro̠pmala (Consonant), Santali Ke̠tce̠t̕ aṛaṅ (Checked consonant), Santali ãt aṛaṅ (Aspirate Sound), Santali Nase-aṛaṅ (NoN-Aspirtae Sound), Santali haro̠p̕ reak̕ Ucrạn gun, Santali Bananre Bhul sudhrạo, Santali Dikratical mark reak̕ oporom ar ona renak̕ beohar babod gạhir macha gapal marao hote̠te̠ Santali grammer reak̕ rehet̕ kathako baḍaekeda. Santali Kilạs Tayo̠m santali juạn ko̠ṛa-kuṛiko Santali lipi reka̕ Mit̕ biḍạu reko se̠le̠t̕lena. Noa santali sikhnạt Kilạs re santali grammer gakhuriạ Manotan samar soren (Creator Of Santali Ho̠ṛ katha Software), Manotan Peter sawpan Tudu (Santalinews24 ren Maraṅ akyuric̕), Modhu Murmu (General secretary,SaSu Ḍạr Thakurgão) akoak̕ daman ạkil lae pasnaokedako. Onkoak̕ kurmuṭu te noṅde jaraolen aema ho̠ṛ ge santali haro̠pmala ar grammer babod ạkilko hamet̕joṅkeda. Aema jaega khoe sohor se̠te̠rakan o̠lo̠k̕ parhao ko̠ṛa kuṛi noṅkana kilạs daraekan mahakore hoerena asko dohoeda. Noa Santali sikhnạt Akhrạ Sapṛaorec̕ tahẽlena, santalinews24.com ar Santal Students’ Union(SASU) Rajshahi Metropolitan Branch.

 

 

Noa o̠no̠l pasnaoakana:
  •  
  •  
  •  
  •  
  •  
  •  
  •