Main Menu

Kota Dạbite Dinạjpur ar Rajshahi Nagrahare Ạdibạsi Chatro̠ Koak̕ Ḍahar E̠se̠t̕

So̠rkari nukri re 5% kota do̠ho̠kak̕ lạgit̕  14 tạrikh setak̕ bela 10 taṛaṅ kho̠n tikin 12:00 taṛaṅ hạbic̕ dinạjpur maraṅ dahar so̠rkari ko̠lej moṛ re ḍahar ko e̠se̠t̕(o̠bo̠rodh) ke̠da Ạdibasi Koṭa Rokkha komiṭi  Dinạjpur jilạ dạr . Noa karo̠nte aema gan gạdi ko teṅgo thir akan tahẽkana. Gạḍi reak̕ bhiṛte dinạpur ḍahar ạdi kajak jam utạrlena. Dinạjpur nagrahare o̠lo̠k̕ – paṛhaok̕kan kuṛi koṛako noa ḍahar e̠se̠t̕ (o̠bo̠rodh) ko̠rmo̠sucire duṅgut̕ duṅgut̕ ko jaroalena.

Ḍahar eset̕ ko̠rmo̠sucire ko ro̠ṛ rakap̕ keda , Disạm sạdhinre ạdibạsiko ạdi maraṅ e̠ne̠mko do̠ho̠akada. Briṭish birudh re HUL , Baṅladisạm reak̕ phurgạl lạrhại  , Tebhaga laṛanao ar emanak̕ hul kore ạḍi bhage enemko doho ạgukada adibạsiko. Me̠nkhan e̠nrehõ ale adibạsi ko do enḍak ko reko menak̕ lea.

Ạdibạsi rokkha komiti ren hohoyic̕ milon sorene menkeda, Ale do ạdibạsi koṭa bohal do̠ho̠le̠ kho̠jo̠k̕ kana.Noa lạgit̕ aleak̕. Tinạk̕ din aleak̕ dạbi so̠rkar bae  aṅgo̠c talea. Unạk̕ din aleak̕ kormosuci le calao idiya.

Noa ḍahar e̠se̠t̕ (o̠bo̠rodh ) kormosuci re ko baktanlena,Denis baske, shubhra tudu ,Sidai pahan, Albinus tdu , Mo̠dhu murmu são emanko .So̠ncalona rei tahekana Ripon mardi.

Rajshahi Oborodh

Note Rajsahi nagraha rehõ Ạdibasi Koṭa Rokkha Komiti, Rajshahi – Dhaka calak̕ reak̕ maraṅ dahar ko eset̕ keda.Rajshahi university reak maraṅ kulhi duwạr aṛe dahar talare duṛup̕ thirkate oborodh kormosuciko paro̠mkeda. Setak̕ 11 taṛaṅ kho̠n sạrdi keda, 2 taṛaṅ hạbic̕ Dahar eset̕ kormosuci ko manao keda .

Ạdibasi Koṭa rokha Komiti ren hohoyic̕ Ruhul Amin Kisku ye menkeda , Ạdibạsi ko do̠ taeno̠m akan jạti kanako. Nokoak̕  kạudi o̠bo̠stha hõ ạdi nacar gea. Dijiṭal Bangaldisạm benao lagitte adibasi ko lagit kota bebosta  ạdi jạruṛ gea.

Noa ḍahar e̠se̠t̕ kormosuci re ko baktan lena , Senas Mardi , John hembrom, Mamun Hembrom, Suit Mardi ar emanko .

Noa o̠no̠l pasnaoakana:
  •  
  •  
  •  
  •  
  •  
  •  
  •