Main Menu

Kapuram Hãsdaoak̕ Islamik Universiṭi re Paṛhao Reak̕ kukmu do̠ puṛaoena

Kapuram hãdak̕ rahul re̠ṅge̠c̕ gharońj ren mit̕ ṭalenṭ santali ko̠ṛa kanae. Dosra cetan sikhạna (Higher Secondar) paṛhao tayo̠m universiṭi paṛhao reak̕ as ar kukum tahẽlentaea. Mekhan jo̠s reak̕ kosṭo ar gharońj reak̕ re̠nge̠̕ iạte dosra cetan sikhạna paṛhao mucạt̕ kate ge Gajipur nagraha kạuḍi arjaoe calaoena. Hudis ledae jahalekate kạuḍi arjao katec̕ gharońj mõ̠jte calao lạgit̕. Gajipur nagraha re calao kate uni mit̕ Kicric̕ kompany (Garment Factory) kạmi lạgit̕ joraoena. Judi hõ̠ ac̕ak̕ Monre paṛhao reak̕ rikiṛ sana do̠ jive̠t̕ tahẽlengea. Kạmi são são uni paṛhao renak̕ aphsor hõ̠e sendreat tahẽna. Mit̕ o̠kte̠ Kusṭia nagrha reak̕ Islamik universiṭi re paṛhao lạgit̕ ardas kedae. Biḍạu o̠kte̠ hec̕lenkhan kạuḍi reak̕ ṭana ṭạnite mẽ̠t̕ re ńutgec̕ ạikạukeda. Jahan upại baṅ ńam kate uni Social aṛe (site) Facebook re aema ho̠ṛ ṭhec̕ go̠ṛo̠e sendra keda ar mucạt̕ re Santal Vision For Education ńutuan mit̕ somaj susạriạ do̠l (organization) ho̠te̠te̠ go̠ṛo̠e ńamkeda. Okoe do̠ Cetan dahar sikhạuna hamet̕ lạgit̕ re̠ṅge̠c̕ nacar santal ko̠ṛa kuṛi go̠ṛo̠e lạgit̕ kạmiea.
Ar calaoen 25 Januari Islamik Universiṭi biḍạu reak̕ jo so̠do̠rena. Ar kapuram “Small/ Ethnic Minority” koṭa re Developmnet Studies bisoe te paṛhao lạgit̕ bachaoakana. Noa kho̠bo̠r ańjomte ạḍi rạsakạ bujhaokeda, menkhan kạuḍi reak̕ o̠kulạn (Lack) karonte calao lahar ḍahar ńutge ńelkeda. Ar uniak̕ ḍahar re marsal lekako upelena Santal Vison For Education ar Kukmu ḍinḍạ somaj susạriạ do̠l (organzation) são bhage monsubạan ho̠ṛko. Oṅkoak̕ kurmuṭu te nagad 13,000 ṭaka (Kạuḍi) uni ko̠ṛa go̠ṛo̠ hisạbteko emkidia.
Ar sạri ge uni 28 januari tạrik Islamik Universiṭi rec̕ bhurtiena. Ac̕ go̠ṛo̠e lạgit̕ uni Santal Vison For Education ar Kukmu dinḍạ ren sanam rạisi ar mukhiạko gun manao saṛhaoe emket̕koa. Ar ona são binti hõ̠e khojkeda e̠nte̠ mõ̠jte cetan sikhạunae hameṭ̕ daṛeak̕.

Noa o̠no̠l pasnaoakana:
  •  
  •  
  •  
  •  
  •  
  •  
  •