Main Menu

Irạl Graḍe kho̠n cetan sarkari nukri bahạli re jahan koṭa baṅ tahẽna.

Non-kadare irạl graḍe kho̠n noa cetan mane pạhil graḍe hạbic̕ sarkari nukri re jahan koṭa baṅ tahẽna. Noa ko jaega biḍạu ạkil (Talent) cetan ạri lekate bahạliok̕a. Calaoen sombar non-kadar irạl ar ona cetan sojhe mojhe bahạli babod notice sudhrao onumodonec̕ emkada muntri sabha. Pradhan muntri noa baisi re tahẽkate noae onumodone em keda. Koṭa bạtil babod saphate noa notice so̠do̠r lạgit̕ Baṅladisạm korom komison ardase kol lenkhan muntri sabha ona ardase onumodon keda.
Montri parsisad sarkamic̕ akyric̕ (Socib), Calaoen 3 Ferbruari tạrik̕ sarkari kormo komison non-cadar 8 ar ona cetan nukri re bahal lạgit̕ sojhe mojhe biḍạu ạkil (Talent) se laha renak̕ koṭa ạrie pańjaeak̕, noa babod saphae lạgit̕ nẽhor kedae.
Unie menkeda, “Janaprasason Mantranaloe 2018 serma renak̕ 4 okṭober tạrik̕ sojhe mojhe sarkari nukri rec̕ bahạli lạgit̕ koṭa bạtil katec̕ mit̕ notice jạrileda. Okare lại menak̕, are̠ grade (Laha reak̕ pạhil kilạs), 10 kho̠n 13 grade (Laha renak̕ dosar grade) sarkari nukri re bahal lạgit̕ biḍạu ạkil (Talent) lekaeko bahạli koa. 9 grade 10 kho̠n 13 grade (Laha renak̕ dosar grade) sorkari bahạli re koṭa ạri bạtilena.
Uni arhõ̠ menakeda, 9 grade 10 kho̠n 13 grade (Laha renak̕ dosar grade) sorkari bahạli re koṭa ạri bạtil hoe lenkhan hõ̠ laha renak̕ 8 grade pạhil kilạs jorao ar ona cetan grade re sojhe mojhe bahạli lạgit̕ koṭa bhag ạri cet̕ leka hoyok̕a ona babod jahan sapha hukukm bạnuk̕a.
Kho̠ndo̠kar anawarul Islame meneda, Pulik Service komison 9 grade 10 kho̠n 13 grade (Laha renak̕ dosar grade) sarkari sojhe mojhe lekatec̕ bahạliet̕koa. Jatio Beton skell lekate Sreni bodol te grade o̠l menak̕. ar 9 grade mente laha renak̕ pạhil kilạs bujhoaoco hoyok̕ kana.
Montriparisad socibe meneda, Muntri sabha monsubạe emkada 9 grade kho̠n cetan pạhil kilạs hạbic̕ sarkari nukri re sojhe mojhe bahal lạgit̕ jahan koṭa ge baṅ tahẽna.

Baṅladisạm Baṅgali jạtko bạgi kate judạ judạ jạt okoeko lekha lekateko thora gea, oṅko lạgit̕ sarkari nukri ńam lạgit̕ 5% koṭa tahẽlena. Ona do̠ sarkar baṅgali o̠lo̠k̕ paṛhaoic̕ koak̕ Koṭa bạtil hul iạte bạtil keda. Noa do̠ noa disạm ren ạdibasi lạgit̕ mit̕ apshor tahẽlena sarkari pạhil ar dosar kilas nukrirec̕ bolo lạgit̕. Noa monsubạ oka do̠ tayo̠m ạn hisạbte goṭaak̕, ona do̠ noa disạm ren ạdibasi lạgit̕ ạḍi lạṭu Hasu kana. Baṅladisạm ren jahan sarker ge adibasi jạt oporom orom saṅbidhan (Constitution) bae aṅgoc̕ak̕. Nio disạm adibasikoak̕ aso̠l lekate rajạri, ạricạli, samajik ạidạri ạḍi thora gea. Ona chada hõ̠ Adibasi mańjhi pargana ạri sarkari lekate bae aṅgoc̕ kada. Disạm ren sarker adibasiak̕ lahanti lạgit̕ bhage bae hudis noa ge mit̕ cinhạ kana. Judạ judạ se lekate noa hõ̠ ạdibasikoak̕ ạidạri hamet̕ renak̕ ạḍi bạṛic̕ muṭhane so̠do̠rkeda Disamre akyuric̕ko.

Noa o̠no̠l pasnaoakana:
  •  
  •  
  •  
  •  
  •  
  •  
  •  


« (Previous News)