Main Menu

Hạ̃ṛũ ar Barea Pusi

Mit̕din kathae barea pusi mit̕ṭen pithạkin ńamkeda. Mit̕ṭen doe menkeda, “Iń geco pạhil mań ńel ńamkat”. Dosaric̕ pusi doe menkeda, “Iń doń halaṅ maraṅketa, ona iạte iń geń ńama”. Ona piṭha lạgit̕ ạḍi ãṭkin re̠ṭe̠pe̠ṭe̠ kan tahẽkana. Ona takre mit̕ṭen hạ̃ṛũ do̠ o̠nḍe̠ se̠ne̠na. Unkin pusi do̠ uni hạ̃ṛũkin metadea, jemone bicạrkatakin.

Ado unkin pusi do̠ apan ạpinak̕ katha hạ̃ṛũkin lạiadea, Noa piṭhạ reak̕ soman soman hok menak̕tabena. E̠nte̠ mit̕ṭen doe ńel ńamket̕a, onate mit̕ somanteń hạṭińabena. Do jãhã sec̕ kho̠n tulạ aguiben.” Unkin pusi do̠ hare pharekin ńir se̠ne̠na, ar mit̕ṭec̕ tulạkin ạguadea.

Uni hãṛũ do̠ ona piṭhạ bar kecak̕ket̕a, ar mit̕ keca do̠ mit̕ sec̕ ar dosar keca do̠ dosar sec̕ doho keda. Tul aṭkarteye ńelket̕ do̠ mit̕ sec̕ ma kạṭic̕ culuṅ hamalen. Uni hãṛũ do̠ somanak̕ lạgit̕ ona hamalak̕ kecak̕ kạṭic̕ culuṅe ger kuṭrạket̕a Ar ona kuṭrạ doe jom got̕keda.

Nitok̕ ma dosar kecak̕ hamalen.  Ado ona kecak̕ reak̕ kạṭic̕ culuṅ ger kuṭrạkeda, ar ona kuṭrạ hoe jom got̕keda.

Nit̕ pạhilak̕ arhõ̠ hamalena. Ona iạte pạhilak̕ kho̠n arhõ̠ kạṭic̕ culuṅ ger kuṭrạkeda; ar ona kuṭrạ doe jom got̕keda.

Piṭhạ do̠ ạḍiãṭ hopon hoponena. Onate unkin pusi do̠ hạ̃ṛũkin metadea, “Dayakate ona sarec̕ kecak̕ do̠ em ruạṛlińme. Ạlińtegeliń hạṭińjoṅa.

Hạ̃ṛũ doe mengot̕keda, “Hẽ! em mań em ruạṛ katabenge, menkhan nun gạric̕ben khaṭaokedińa; ona reak̕ hõ̠ ṭhora doń ńamgea! Onkae menket̕ torage ona sarec̕ak̕ kecak̕ hõ̠ lạtum got̕keda.

Unkin pusi do̠ hạ̃ṛũak̕ pusi moca me̠re̠l me̠re̠lkin be̠ṅge̠t̕ akawat̕ tahẽkantaea. Ado ạḍi bhabnate onde kho̠nkin senena.

 

Sikhnạt: Apnar modre re̠pe̠ce̕ lenkhan ona renak̕ lab judạ ho̠ṛ idiak̕

Noa o̠no̠l pasnaoakana:
  •  
  •  
  •  
  •  
  •  
  •  
  •