Main Menu

Baṅladiso̠m re Santali pạrsi beohar ar sãohet pasnaore sikhnạt ho̠ṛkoak̕ lek kạmi reak̕ ithihas

Pạrsi se ro̠ṛ dare manwako lạgit̕ Thakur jiuak̕ heran dange. Oka dan do̠ eṭak̕ jiwanko noṅka sạbitte do̠ baṅko ńam kada. Ar apnar pạrsi te abo do̠ aboaka̕ suk duk, kusi raskạ, jạruṛ, monsubạ arhõ̠ aema bisoe bon so̠do̠reda. Manwa do̠ ac̕̕ak̕ go pạristegey oromok̕ kana cele jạt kanae mente. Pạrsitegey uni do̠ ac̕ren jạt sãothey to̠l mit̕akana ar helmelreye tahẽn kana. Noa iạtege nij jạtak̕ pạrsi baḍae do̠ ạdi gi cạhi gea (Necessary).

Pạrsi thok (Community) :
Abo santal ho̠ṛko nribiggan metak̕me manwak̕ oṛ-bõs lekate suk̕sutạukoak̕ ( Anthropologish) pacnao lekate Proto- Austrolid thokren kana mente sapap̕akana. Ar Santali pạrsi do̠ Mundari pạrsi thokre hạṭin begarakana. Ar noa pạrsi reak̕ cahertet̕ ( Characteristic) English te do ‘Agglutinative Language’ metak̕me laṭak̕mit̕ pạrisko metak̕ kana.

Santali Pạrsi beoharok̕kan ṭhạ̃ko:
Bangladesh re do 5 division’s reak’ 22 jilạ re Santal girạ-bạsi lekate menak’kowa. Bangla Disom reak’ Rajshahi ar Rangpur noa barea division re dhe̠r santal Menak’kowa. North East Sylhet division reak 3 districts, South East district reak 4 districts ar Dhaka division reak Dhaka jila lekah samun 4-5 gharonj menak’koa.
1.Rajahahi
2.Dhaka
3.Syllet
4.Chattagram
5.Rangpur
Baṅla diso̠m re 5 lakhs Santal menak’kowa mente baḍaeok’kana. Baṅladiso̠m 2011 serma re onḍoṅakan Census khoe diso̠em guṭ ( Total) Santalko babod do̠ baḍae do̠ muskil gea, e̠nte̠ noa renak̕ kho̠bo̠r( InFormation) BHUL gea. Nooa diso̠m re dihạt atokore 99% santal ko do̠ santal katha ko ro̠ṛet̕ kana.Aboren Go̠go̠ baba, boeha-misera, apoto gusṭi metak̕me disom ren gustiko begor lajao, bickom gorob salak̕ noa Santali pạrsi ar legcarko beohar ar manao ạguetkana. Tobe sohor bajarkore ho̠ṛko etak̕ jaṭrenko são tahẽ tahẽ menak̕bona gunạkate somai ar gharonj́kore hõ̠ baṅla mesal ko ro̠ṛret kana. Asokate gidrạko mudre Baṅla reak̕ ãjhaṭ urạli (Influence) Paṛaok̕ kante adom do̠ Santali katha ạḍi komko ro̠ṛet kana. Ar noṅkate Santali parsi do̠ dilạu ar adok̕ kana. Menkhan legacar ar pạrsi ac̕tet̕ do̠ nit hõ̠ dher nichora niphut gea.

Santali Pạrsi o̠no̠l dhara:

Baḍae kangeabon Santali pạrsi do̠ ạdi maregea. Ar Santali pạrsi te Bharot diso̠m re onol e̠ho̠p̕kan reak̕ ithihas hõ̠ menagea. British period rege noa rup do̠ noa bạrin disom re ‘ Lutheran-Catholic missionary’ ko dho̠ro̠m porcar ar misionko tạrhao okte khonge Santali onol reak̕ rup do̠ hec̕akana. Ar Baṅladiso̠m re Santali o̠no̠l do̠ pạhil Baṅla ho̠ro̠p khonge e̠ke̠n Santali (Roman) ho̠ro̠p te hoe hec̕akana. Baṅla ho̠ro̠p te Santali beohar do̠ e̠ke̠n ge̠l mõ̠ṛẽ̠ /turue serma laha khon ṭhora ṭhuri hoyok̕kana.O̠l ciki short hand ar Debnagari ho̠ro̠p saote baṅladiso̠m ren santal ho̠ṛko do̠ nit hõ̠ ạuriko opromok̕a.

Sikhạuna Ṭhaona ( Institution) re beohar :

Ithihas lekate baḍaeok̕ kana Santali pạrsi te pahil iskul ehop lena Jaypurhat jilạ renak̕ begun bari latar (Primary) iskul (1905), Beniduar re latar iskul (1925), Nikeshor latar iskul (1932), Inạ chaḍa missionary iskul kore noa ko Santali ho̠ro̠p o̠lo̠lk parhao lạgit̕ ko beohar ạguyeda. Sadhin Baṅladiso̠m re Santal ho̠ro̠p beohar renak̕ ithihas 115 serma khoe hõ̠ jạsti.

British- Bharot re santali ho̠ṛko o̠lo̠k̕ pạrhao cet̕ ocoe mente sorakar hote̠te̠ 1923 kr. Salre “Santali Board of Education” ńutuman mit̕ komiṭti tearleda. Ona borḍre, asokaete ho̠ṛkoak̕ subida ńel lạgit̕ un okte Mn. Naeke Cattaneo ( PIME) hõ̠ mit̕ rạisi doho ocolena. Ar noa board dareate 1934 kr. Sal mudre ho̠ṛko talare 31 goṭen Santali primary school teralena ar noa Baṅladesh re (Un do̠ British Bharot) Gomostapur thanare 2 goṭen, Nachole thanare 1 goṭen ar Nawabganj thanare 1 goṭen Santali primary tearlena. Menkhan sadhin baṅladesh tayom (1971 sal )sikhạuna ṭhanaokore ( Education Institution) Santali parhao bạe bạite ḍilạu hec̕akana.

Diso̠m sadhin tayo̠m misonary ar NGO koak̕ goṛote Santali Pạrsi te o̠lok parhao aema din calak kan tahena. Banladisom reak Goṭa Utar nakha aema district re 201 goten iskul re santal ho̠ro̠p te ko paṛhoet̕ kan tahenako.
1.Rajshahi Caritas Area re -72 goṭen iskul
2. Dinajpur Caritas Area re – 103 Goṭen iskul
3.Banladesh BNELC ar Tabitha Foundation- 20
4.Church of Banladesh- 6
Noṅko mudre Caritas ar BNELC do̠ ạḍi aema din khoe Santali ho̠ro̠p te o̠lo̠k̕ parhao lạgit̕ ko kạmiet̕ kan tahena. Menkhan noa iskul non-govermetnt ar project lekate calak̕ kana. Oka project renak̕ ṭaka bides khoe hijuak̕. Ar onokoak̕ goṛo noa project re komao iate noa iskul aema jaega re bondena. menkhan jo̠to̠ iskul do̠ baṅ aema iskul nit hõ̠ santali ko paṛhaoet̕koa . Tobe niam dharate baṅladisom re nit́ habic̕ cetan se latar oka sikhạuna ṭhonarege Santali paṛhao do̠ baṅ hoyok̕kana.

 

Santali Sãohet ( Literatur) ar patak kagocko:

Santali Patak (Magazine) ko babot re nitkate baṅladiso̠m ten ho̠ṛko ạḍitet̕ ko licạrgea. Pakistan amol re do̠ missionariko akoak̕ khoj leka jaega mit̕ kho̠bo̠r baḍae oco são sãote soma jar bạ̃ṛtikate do̠ dho̠ro̠m reak̕ sikhạuna ho̠ṛko emako lạgit̕ Santali patak Santali ho̠ro̠p te oḍoṅ reak̕ kurmutu hec̕ ạguk̕kana tahẽa. Lae lekan patakko do̠ latare o̠lena: Pakistan amole re amnura Lutheran mison khon ‘Pera Ho̠ṛ’ ńutuman candokiạ patak so̠do̠rok. Baṅladesh Sadhin tayom do̠ ‘Baṅladisom ren peṛa ho̠ṛ’ ńutum te so̠do̠r hec̕akana.Menek̕ nit do̠ cet̕ko karonte coṅ bobdgea. Juḍạsi Jharna ńutuman miť patak Lutheran Misonkoren juạn ko darete 1974 kr. Sal sen onḍoṅ reak̕ kurmutu hoe lena, menak ona hõ̠ cet̕ karonte coṅ bondena. ‘Bhurkạk̕ ipil’ noa hõ̠ amnura mison khon onḍoṅok̕ e̠ho̠p̕lena. Menek noa hõ̠ bondena. Baṅladesh Sadhin tayom ‘Aleak̕ kurmuṫ’ inạpor do̠ ‘Aboaka̕ kurmuṭ’ ńutum te Dhanjhuri katholik Mison khon mit̕ candkiạ kho̠bo̠r so̠do̠rok̕ e̠ho̠p̕lena ar ḍher sermage bahalena.Menkhan ṭaka goṛo emok̕tic̕ bidạsi naeke ako diso̠m calaoen khan ona kagoj so̠do̠r hõ̠ bodena. 1992 serma caritas hote̠te̠ manotan Gabrieal hasdak̕ Santali alpah cet lạgit̕ puthi ‘ Mẽt̕ Marsal’ o̠l kate chapa so̠do̠r leda.‘Goḍet’ ńutuman patak baṅladesh rajdhạni Dhaka re parhaok̕ chatro ar mit̕ bar Nukrian ho̠ṛko dareate pạhil do̠ pe mahna por, inạkate do̠ bar mahna por por onḍoṅokkan tahẽ kana. Ar noa patak hõ̠ oka bond ar oka do joage so̠do̠r hijuk̕kan tahẽ kana. Menkhan nit do̠ noa bondgea. ‘Hihiri Pipri’ noa patak do̠ ‘Santali Devlopment Socity Hote̠te̠’ Dinajpur khon pe mahna por por onḍoṅk̕kan tahẽ kana. Menak nit do̠ bondgea. 2000 sal re rajshai Bishop house khoe Ho̠ṛ ro̠ṛ reak̕ puthi.Oka santal ho̠ro̠p cet̕ lagit̕ ạḍi bhage puthi tahẽ kana.  ‘Tabitha sombat” ńutuman miť bar candokiạ patak (magazine) Amnura Lutheran Mission reak̕ Tabitha foundation dareate 2012 kr. Sal khon oktere onḍoṅok̕ kana. Noa re do̠ asokaete project kạmi reak̕ report ar mit̕ bar eṭak̕ kho̠bo̠r tahẽn kana. Ado noa hõ̠ tino din calak̕a oktegeye lạia hãk.

 

 

Misonary ar NGO goṛo Begor kạmi ko:

Baṅla diso̠m re Misonary ar NGO begor Begor goṛo te noa pạrsi te aema puthi chapa so̠do̠r akana. Noa ko daman puthi khạli baṅladiso̠m moto baṅ Bharot diso̠m re hõ̠ ạdi namdạk ko ńamkada. Jeleka Hapramkoak̕ ato ( Novel),  Mare hapramkoak̕ katha (Santali Institution and Tradition babod o̠l akan puthi), Katha parian (to Santali to Bangla dictionary) 2008 serma Rajshahi khoe ‘Katha pạṛian’ ńutuman santal khon Bangla dictionary chapa sodor lena., santal Pargana onka aema lekan. Inạ chaḍa Manotan Micheal soren ak̕ ‘Santal Civil law’ puthi Santal ho̠ro̠p te chapa so̠do̠ro̠k̕ kan tahena. 2013 kr. Rajshahi Tanore Manotan durbin Kisku hote̠te̠ ‘Ho̠ṛkoren cando” Chapa so̠do̠r lena. Unic goc̕ tayom noa patak onḍoṅok̕ do bondoena. ‘SPB JOURAL’ noa do̠ arhõ̠ ḍhkare menak̕ko jhukạl professional ko̠ṛko darate 2015 kr. Sal khon onḍoṅok̕ e̠ho̠p̕elna. Thura din bond tahelena, netar hõ̠ noa onḍoṅok̕ kana. Sadhinata larhao laha Santal pạrsi te aema magazine onḍoṅok̕ kan tahẽna. Ar diso̠m sadhin tayom nit ho puthi pasnaoet̕ ( Publication) so̠do̠r renak kạmi hoyok̕kana. ‘Sandes’ Dhaka Nagrah re o̠lo̠k parhao santal chatrạ gidrạ koak goṛo onḍoṅk̕kan tahena.noa do̠ Santali ar Banla pạrsi oṅḍoṅok̕ kan tahena. Netar hõ̠ ńelok̕kana menkhan Santali o̠no̠l do̠ ạḍi tahẽn kana, dher do̠ baṅla o̠no̠l gi tahẽn kana.  AR sandes santal students unionak̕  patak kana. Noa jao bochor hõ̠ baṅ oṅdoṅok̕ kan tahẽna. Nahak̕ do̠ oṅdoṅok̕kana. Dinạpur jilạ renak̕ Kukmu dinḍa khoe so̠do̠rok̕kana Piṛhi Literacy magazine 2018 serma re onḍoṅok̕kana. 2019 sermare Rajshahi ‘’Santali aṛaṅ” ńutuman pe candokiạ sãohet magazine pạhil dhao leka onḍoṅok̕ena.

Tecqnology aṛe rehõ̠ Santal ho̠ro̠p renak̕ jitkạr:

Santali pạrsi Santali pạrsi o̠l lạgit̕ Manotan somar soren tearakan Santali Unicode Software, Computer ar Androd Version o̠l lạgit̕ tearkeda. Oka App te jahae gi ạḍi alga te facebook se computer se desktop Santali pạrsi Santali katha so̠do̠r dareak̕.Uni Santali Puthi se Banner o̠l lạgit̕ arhõ̠ mit̕ṭen nãwã Typing software AscII Keyborad Ḍahar tear keda, ar ona reak̕ pho̠ṇṭ ńutum Boṅga (https://drive.google.com/file/d/1Ja4HwNaO5p7q5JN5W3GJdUq4Q46k4AwN/view?fbclid=IwAR2Eg_PKHtT_2uOuOr88FNZuSBWQzHD41NxLn3zMP77T–B1xMIgIBavkuc). Noa do̠ jo̠to̠ lekan opereatin system re beoharok̕ (MS Office, Adobe Illustrator, Photoshop, page maker, Corel draw, publisher, Windows Operating system)Ar android ar computer version renak jo̠to̠ software renak̕ upate version lạgit̕ hõ̠ Uni ạḍi kamiyeda.. Santali ho̠ro̠p cet̕ lạgit̕ Youtube “Santali language and Grammer” Channel (https://youtu.be/IC8qLBNnOKQ )hõ̠ menak̕. Jahae noa ko video ńel te ạḍi usạra santalli o̠l cet̕ dareak̕.

 

Santali Pạrsi renak̕ Online news portal :

Goṭa dharti mudre Baṅladiso̠m khoe pahil Online news portal e̠ho̠p̕ena. Oka Portal sanatl aema lekan kho̠bo̠r o̠l kate pasnaok̕ Kana. Jo̠to̠ ho̠ṛ gi noa re Santali te kho̠bo̠r ko ko̠l dareak̕ .Noa renak̕ ṭhikana; www.santalinews24.com.

Santali pạrsi lahae lạgit̕ Baṅladiso̠m sorkar cet̕ kạmiyeda ?:

Dukh lekan katha rehõ̠ Baṅladiso̠m ren sorkar Santali pạrsi lahae se devlop lạgit̕ Jasti goṛo bae emok̕kana. Noa diso̠m re Bangali jạt lạgit̕ Baṅla academy menak̕ se diso̠m reak̕ aema lekan University bangle department menak̕a,  Menkhan Santali pạrsi Sorkar goṛo begor te ạḍi nacar gi menak̕. Nonḍe Aema adbasi jạt do̠ (Khudronrigosṭi -Small minority) ko menakoa. Jo̠to̠ adibasi lạgit̕ nonḍe do Khudronrigosti cultural accedemy Menak̕, Onakoren ayruic̕ do̠ e̠ke̠n turuk̕ gi ar Santali pạrsi laha lạgit̕ ńel ńam lekan kạmi do bako korao kada. Baṅladiso̠m aema pạrsi research lạgit̕ “ International Mother language Institute” tear kana, Menkhan noa hõ̠ Santali pạrsi lạgit̕ cet̕ hõ̠ bako kamiyeda se goṛo hõ̠ bako emeda. 2010 serma Baṅladisom sorkar 6 goṭen adibasi jạt koak̕ gidrạ ko ako pạrsi ( Pre-primmary) te parhao lạgit̕ mit̕ten ạn pass leda. Menkhan Santali jạt begor jo̠to̠ jạtak̕ puthi onḍoṅ len hõ̠ mahasoe begor onkoak̕ parhao bond gea. Santal jạt ko mudre bannar do̠l pạrsi babod bako mit̕ iate sorkar do̠ santal koak̕ parsi babod cet̕ Decision hõ̠̠ bae hatao daraek̕ kana.

Baṅladisom re Santali Pạrsi ren bairi do̠ do̠l

Baṅladiso̠m re Santal jạt ko lạgit̕ jahae Asol Asol rajari do̠l koak̕ go̠ro̠j do̠ Banuak̕. Ar noko lạgit̕ go̠ro̠j ńelok̕ adha goc̕ Left do̠l koak̕. Okoe ko goṭa baṅladisom re rajari daṛe banuk̕ takoa. Ar onko do̠ pasnao akan adbasikoak̕ vote laloc te santalko beoharet̕ koa akoak̕ mo̠tlo̠b te. Ar onkoren tearakan do̠l adibasi parisad Santali jạt ar pạrsi babod baric̕ rajari renak̕ko kurmuteda. Noa do̠l re menkoa ṭhura santal okoe do̠ meneda, Santali ho̠ro̠p (Roman) kathae isai koak. Onko do̠ cetan level bam do̠lak̕ goṛo te Santali pạrsi Baṅla o̠l teko kurmutueda. Arhõ̠ o̠lciki tehõ̠ ko kurmutueda .Menkhan noa diso̠m 98% ho̠ṛ gi Santali ho̠ro̠p (Roman) te pre-primary level re o̠lo̠k̕ parhao kusiak̕.

Baṅladiso̠m re Santal Pạrsi reak̕ Agam ( Future)

Baṅladiso̠m re Santali pạrsi reak̕ Agam ạḍi bugi. Nonḍe Santal Pạrsi beohar ar pasnoak̕ reak̕ kurmutu calak̕ kana Apanr apnar goṛo te. Sorkar Santali Pạrsi lahae lạgit̕ hudis kate kạmi lenkhan, noa pạrsi arhõ̠ jiarok̕a. University kore Santali Pạrsi department se adibasi pạrsi department jic̕ jạrur gea. Tahhole India ren Okako university re Santali department menak̕ onko são noa diso̠m ren santal koak̕ bhage sombond tearok̕a.

Mucat̕re Noa gi menok̕a Santali pạrsi do̠ baṅ licargea. Ho̠ṛkoak̕ kurmuṭu begorte ḍhilạuakan menak̕a. Enhõ̠ as menak̕ noa pạrsi do̠ tirejuge jiwet tahẽna ar baha leka bomborkot̕ sar pasnaok̕a.

 

 

 

O̠no̠l reak̕ kho̠ṛo̠ tumạlakna:
Sandes magazine ( Baṅladisom re Santali pạrsi beohar ar ona pasnao sikhnạt ho̠ṛkoak̕ lek kạmi- Manotan gabrieal Hãsdak̕)

Samar sorenak̕  Unmachon Blog kh̠on tumạl akan

Noa o̠no̠l pasnaoakana:
  •  
  •  
  •  
  •  
  •  
  •  
  •