Main Menu

Baṅladiso̠m ren so̠tko̠ra 95% munḍạ jạt akoak̕ munḍạ pạrsi bako baḍaek̕a

Baṅladiso̠mak̕ namḍak̕ kho̠bo̠r kagoj PRATHOM ALO hote̠te̠ baḍaeok̕ kana noa diso̠m re girạbasiakan munḍa jạt akoak̕ pạrsi te ro̠ṛ bako baḍaek̕a. Anthropology lekate baḍaeok̕ munḍạ jạt do̠ proto-ostraloid bhagren kanako. Onko do̠ Ostro Asicatic jạt meneteko lekhaak̕kana. Sanatl jạt koak̕ pạrsi munḍa pạrsi gharońj re paraok̕a.

Rajshahi University Jernilaism ar mass communication department khoe sur din ge parahao cabao kada Sathkhira jilạ ren ko̠ṛa Tarun munḍa. Uni UNDP khoe (Unitedd nation devlopment programme) cuṛti (Devlop) kạmi (programme) lạgit̕ gạriạ (agent) hoe kate Gaebandha jilạ re menak̕ gobindognońj thana reak̕ kamdia unionak̕ doehara mundạ ato re. Ona ato diso̠m ren mit̕ budhi maejiu sumoti yendi ar roṅgila topno uni ko̠ṛa munḍa o̠ṛak̕ ren kanae baḍaekate ạḍiko rạskaena. Uni são munḍa pạrsi te ro̠ṛ ko e̠ho̠p̕ keda. Menkhan uni ko̠ṛa doe menkeda uni do̠ munḍari pạrsi bae baḍaek̕a, menkhan sadri pạrsi do baḍae gea.

Un jokhec̕ sumoti yendiec̕ men keda, “ am dom cet̕ leka munḍạ jạt kanam, munḍạ pạrsi baṅ baḍaek̕a. Am do̠ asol munḍa jạt do̠ baṅ kanam no̠ko̠l munḍạ kanam. Noa katha ańjom kate uni ko̠ṛa ạḍi lajaoena. Sari ge apnar go̠go̠ pạrsi baṅ baḍae do̠ mạn reak̕ katha do̠ baṅ kana. Inạ khae uni ko̠ṛa arhõ̠ adibasi parisad ren student do̠ ạdibasi chatro parosad ren general secretary kanae.

Tarun munḍa noa golpo chapainawabgańj jilạ ren ạdibasi chatro parisad ḍạr general secretary ar mit̕ munḍạ ko̠ṛa Dilp pahan são. Noa katha ańjom kate uni hõ̠ ạḍi dukh aikau keda. Cedak̕ je uni munḍạ pạrsi bae baḍaek̕a. Uni ńẽlakada Baṅladiso̠m ren so̠tko̠ra 95 bhag munḍạ jạt akoak̕ pạrsi te ro̠ṛ bako dareak̕a. “JAGKE UṬHẠK MUNḌA” noa ńutuman mit̕ organization ko tearakada munḍa jạt koak̕ jumit̕ ar ạricali rokhao lạgit̕. Jao serma ge Noagoan jilạ re munḍạ koak̕ conference ho̠yo̠k̕akana. Jo̠to̠ khoe noagoan jilạ re jạsti munḍạ jạt ko girạbasiakanako. Jao conference re Dilp pahan doe se̠te̠rakana. Oka conference munḍạ pạrsi te ro̠ṛ hõ̠ baṇ ar e̠ne̠c̕ se̠re̠ń hõ̠ baṅ ho̠yo̠k̕a. Dilp Pahan arhõ̠ kho̠bo̠r hatao kate baḍaekeda “Jagke uṭkạk Munḍa” organization menak̕ sanam akyuric̕ko ( Leader) Okoe hõ̠ munḍạ pạrsi ge bako baḍaek̕a. Munḍakoak̕ pạrsi munḍạri, sadri do̠ baṅ noa ge uni bae baḍaekan tahẽna. Dilp Pahan arhõ̠e baḍae darekedae doehara leka noagoan jilạ re menak̕ Dhamorhạt thana re hõ̠ pea munḍạ ato menak̕a. Onḍeṅ ho̠ṛ do̠ munḍạ pạrsi teko ro̠ṛak̕.

Ona pea ato modre mit̕ṭen ato noagoan jilạ sodor khoe 70 kilomete saṅgiṅ re. Sur din ge dilip pahan Nikesor Purub ar pachim tola rec̕ calao rena ar uni são kho̠bo̠r hataoic̕ hõ̠ calao lena. Nonḍe ge dilip pahan pạhil dhao munḍạ pạrsi são oporomena. Menkhan onḍenko juạn ar kạṭic̕ kạṭic̕ gidrạ katha ańjom kate mayak̕ mo̠yo̠k̕nae. Onko sanam thura thura bujhao darelenkhan hõ̠ ro̠ṛ bako dareak̕a. Onḍe hõ̠ munḍạri pạrsi at̕ dahar sec̕ calak̕ kanae. Uni ato ren mukhiạ Sorbesor palsar (70), “ Ạḍi dukh reak̕ katha, aleak̕ munḍạri pạrsi adok̕ kana. Uni hõ̠ ạḍi mayak̕ mo̠yo̠k̕ kate meneda, “ Nahak̕ jugren gidrạ, bạhu biṭiko munḍạri pạrsi te ro̠ṛ bako baḍaek̕a. Ale haram-budhi noa pạrsi tele ro̠ṛak̕. Ale le goc̕ lenkhan noa ato re munḍạri pạrsi te ro̠ṛ reak̕ ho̠ṛ sendra te bako ńamok̕a. Aḍi dukh le aikauakaoeda aleren mare hapramkoak̕ pạrsi mit̕din adok̕a.

Katha hoyena ona ato ren paṛhaoic̕ kurị Suborna pahan, College ren paṛhaoic̕ ko̠ṛa Ridoy palsa, Poletecqnic̕ paṛhaoic̕ ko̠ṛa sontos palsa são. Onko meneda, ako do̠ santali pạrsi thura thurako baḍaek̕a menkhan ro̠ṛ do̠ bako badạek̕a. Haram-budhi caḍa cili hõ̠ noa pạrsi te ro̠ṛ bako baḍaek̕a.

Noa atoren haram budhi meneda, “Noa atoren juạn gidrạ ko tumḍak̕, ṭamak̕, tirio rũ bako baḍaek̕a. Bako baḍaek̕a Munḍạ pạsri reak̕ se̠re̠ń hõ̠. Nonḍen ko ho̠ṛ hõ̠ akoak̕ ạricaliko at̕akada. Adok̕ kana nitok̕ pạrsi hõ̠.

Lạtu Syllet reak̕ ạdibasi forum ar munḍạ koren akyuric̕ Lokhon munḍạ kho̠bo̠r hataoic̕ menedae, “Syllet jilạ reak̕ 14 goṭen thana re 40,000 munḍạko girạbasiakanako. Ona modre Moulivibajar reak̕ rajnagar union reak̕ kạrimpur CaBagan re khạli 110 goṭen gharońj akoak̕ munḍạri pạrsi te ro̠ṛ ko baḍaek̕a.

JAGKE UṬẠK MUNḌA Ren convenor ar Jatio adibasi parisad ren general secertary sobin munḍạ prathom alo ren kho̠bo̠r hataoic̕ noa babod lae so̠do̠reda, Sadri do̠ munḍạri jạt koak̕ pạrsi do̠ baṅ kana. Menkhan cet̕ lekate co Baṅladiso̠m re jạsti bhag munḍạ hapramkoak̕ jug khoe sadri pạrsi teko kathako ro̠ṛ agueda. Noa do̠ cet̕ lạgit̕ ho̠o̠k̕kana ona baobod jahan ithihãs ale hõ̠ bale baḍaek̕a. Munḍạri ge munḍạ jạt koak̕ asol pạrsi do̠. Menkhan Baṅladiso̠m ren so̠tko̠ra 95 bhag munḍạ akoak̕ pạrsi te ro̠ṛ bako baḍaek̕a. Noa do̠ munḍạ jạt lạgit̕ ạḍi dukh reak̕ katha.

Source: Prathom alo (31 Agust, 2019),

Phoṭo hatao: Daily star kho̠bo̠r kagoj khoe

Noa o̠no̠l pasnaoakana:
  •  
  •  
  •  
  •  
  •  
  •  
  •