Main Menu

BAṄLADISẠMRE̠ SANTALI SEREŃ REAK̕ HE̠LME̠L HOYOGO̠K̕A

Baṅladisạmre pạhil dhao lekate santali sereń he̠lme̠l hoyogo̠k̕kana darae kan marc candore̠.

Kathareko me̠nakada, abo santal ho̠po̠nak̕ ro̠ṛ landa sereń durạṅko do̠ ḍumur rasa kho̠n hõ ńuṭuk̕ he̠ṛe̠ma . Sereń reak̕ sẹbẹl sik tege  aboak̕ bapla, bihạr pata chata po̠ro̠b –parbo̠n ko janam kho̠n mo̠ro̠n hạbic̕  bon manao ạguieda . Aema lekan e̠ne̠c̕ sereń reak̕ santal guṭko benao rakap̕akana ne̠be̠tar din kore . Me̠nkhan aema le̠kan santal guṭko me̠nak̕ko  re̠hõ sereń reak̕ he̠lme̠l do̠ nit hạbic̕te mit̕ dhao hõ baṅ hoy baṛaoakana. Baṅladisạm re̠n sereń silpi guṭko niạte Natioanl Santali Music Festival ńutuman he̠lme̠l reak̕ udjog ko hataoakada, se̠ṅge̠l band guṭ ren rạsiạko . Rajsahi nagraha re noa “National Santal Music Festival” reak̕  he̠lme̠l do̠ hoyok̕a  daraekan cando marc re̠ HOSTOSILPO MELA re̠ . Mit̕ṭe̠n jatiyo po̠rjay re̠ sereń lạgit̕  sanam le̠kan jo̠nto̠rpạti ko do̠ho̠ reak̕ be̠bo̠stha hoyakana. Sereń reak̕ he̠lme̠l hote̠te̠ Baṅladisạm ren santalko modre lithuṛ  gaenaha ko se̠ndra onḍoṅ reak̕  mit̕ kurumuṭu ge tahẽna. Noa he̠lme̠l ren sasap̕ṛaoic̕ ko ren Mukhiyạ (Chairman) John Hembro̠me me̠ne̠da,-“Sereń reak̕ noa he̠lme̠lre seledo̠k̕ lạgit̕ nit dhạbic̕ te 11 (mit̕ gel mit̕ ) goṭen guṭ ko akoak̕ ńutumko jo̠maoakada. Arhõ ńutum e̠mo̠k̕ ho̠rre me̠nak̕koa. Aleak̕  tho̠ṛa o̠kte̠ reak̕ noa ho̠ho̠re nunạk̕ ḍher santali sereń guṭko o̠ṅso̠ṅo̠k̕ kana , noa do̠ sạrige ạḍi rạskạ reak̕ katha kana. Noa he̠lme̠l hote̠te̠ aema santali gaenaha ko akoak̕ sereń reak̕  oko danaṅ akan pro̠tibha ko uduk̕ so̠do̠r daṛeak̕a. Sereń durạṅ do̠ mit̕ṭen jạtiak̕ ạricạli reak̕ mit̕ hạṭiń kana. Sereń bon kisạṛ saṅge ocolekhan aboak̕  ạricạli hõ kisạṛ – saṅgek̕a . Noako ãs katege ale do̠ noa National levelre  Santali Music Festival do̠ le hoy ocoye̠da. Aso̠k̕ kanale noa hote̠te̠̠ Baṅladisạm ren santali sereń reak̕ mit̕ṭe̠n laṛanao be̠nao rakabo̠k̕a.”

Noa o̠no̠l pasnaoakana:
  •  
  •  
  •  
  •  
  •  
  •  
  •  


(Next News) »