Main Menu

AM HÕ̠M KOMBṚO GEA

Bar haṛam buḍhi kin tahẽ̠ kana.Hẽ̠ haṛamaḱ ńũtum do̠ Mạṅglu tahẽ̠ kana.Buḍhit́te̠t́ aḱ ńũtum do̠ teheń dhạbij bạń baḍae daṛeada.E̠nte̠t́ lạṭu ho̠ṛ se̠ kạṭić gidrạ hõ̠ Mạṅglu buḍhi geko ro̠ṛa ato oṛaḱ,aḍe pase̠ ato ṭola kore hõ̠.
Khan oṛaḱ duạr ar dho̠n durib,mal-jal,hasa jumi,dare nạ̃ṛĩ,metaḱme jo̠to̠aḱ tege pe̠re̠ć purun menaḱ kinạ.Hẽ̠ e̠ke̠n do̠ gidrạ bako tãhẽ̠ kan tạkina.
Aḍe pase̠ rege hạṭiạ do̠ hoyoḱ kan tahẽ̠ kana.Metaḱme So̠mbar ar Sạkạlbar din ge.Ado hạṭiạ pichạ ge jel dokin ạgui gea. Daka utu isin baṛa kateḱ do̠ am iń kin lo kombṛoya ạ̃t apso̠r ńẽl kateḱ ar mit́ nakha oṛaḱ ko̠na rekin jo̠m ket́ ge.
Din hilạḱ metaḱme hạṭiạ pichạ ge nukinaḱ noa kạituk do̠ tahẽ̠n tạkina.Mit́ din do̠ noṅkage bana ho̠ṛ kin loanaḱa ar ńẽlme haere nạsib peṛta ko̠pal ona oṛaḱ ko̠na ṭhe̠nge gikin jojom kana okaredo ńũt ge.Sentora do̠ ńũtre baṅ ńẽńẽlte bạkin ńẽl lena.Jemo̠nge bại-bạite mẽt́ kin do̠ marsalo̠ḱ ehoṕ ena ar cakaṕ-cakaṕ saḍe kinhõ̠ ańjo̠mo̠ḱ e̠na ar kin ńẽllena.
Buḍhite̠t́ do̠e men go̠t́ keda henda ḍiṅgrạ amhõ̠m kombṛo gea,haṛam hõ̠ye men go̠t́ keda bakhać do̠ sạnḍhin iń hõń kombṛo gea.

(Sikhạuna:-Onateko mena goṭa din ren kombṛo mit́ din do̠m saboḱ gea,cahe do̠ jãhã lekan kạmi kan ge.Ado onate apnar gharõ̠ńj redo̠,apnar aḍe pase redo̠ ar jãhã rege alope kombṛoya).

Noa o̠no̠l pasnaoakana:
  •  
  •  
  •  
  •  
  •  
  •  
  •