Ko̠ro̠na Virus Dherlenkhan Arhõ Bondok̕a Sikhnạt Ṭhãona

Noresh Hasdak

Disạmre ko̠ro̠na virus reak̕ japṛao dherlenkhan sikhnạt ṭhãonako arhõ̠ bond hoyok̕a noa katha disạ do̠ho̠ kate o̠lo̠k̕ paṛhaore mon muruk̕ ar noa okto̠ko kạmire laṭkao lạgit̕e metakokana prodhanmonti Mn. sheikh Hasina. Teheń budhbar (1 December,2021) gonobho̠bo̠n kho̠n video conferencete sishu academy ṭhãonare Bongobondhu Sheikh Mujibur Rahmanak̕ mural udbodho̠n ar Dhanmondire joyita tower reak̕ bhikti prostor benao onusṭhanre noako kathae menakada. Pạṭhuạ gidrạko o̠lo̠k̕ paṛhaore mo̠n muruk̕ bakhra katha ro̠ṛ jokhen unido̠e menkeda, disạ do̠ho̠e lagak̕aje noa ko̠ro̠na virus nithõ̠ baṅ caba utạrakana. Ale do̠ vaccine e̠mok̕le e̠ho̠b̕akana ar pạṭhuạ gidrạkohõle e̠makokana. Nitok̕ ko̠ro̠na virus reak̕ ar mit̕ṭe̠n halot hijuk̕kana. Onate disạ do̠ho̠e lagak̕a ona virus arhõ̠ pasnao lenkhan jãhã tin o̠kte̠rege arhõ̠ sikhnạt ṭhãona bond ho̠e daṛeak̕a. Ona iạte nitok̕ tinạk̕ gan okto̠ ńamok̕kan ona do̠ kạmire laṭkao lagak̕a. Uni do̠ arhõ̠e menkeda, Ko̠ro̠na iạte aema din sikhnạt ṭhãona bond tãhẽkana. Nitok̕ do̠ jo̠to̠ge jhic̕ hoeakana. Jo̠to̠ pạṭhuạko nitok̕ do̠ mo̠n muruk̕ katek̕ o̠lo̠k paṛhao lagaoakoa. Ar apnar schoolte ruạṛ hoyok̕takoa.

Comments are closed.