Mobile Data Baṅ Tahẽ̠nre hõ̠ Messenger Calak̕a

Noresh Hasdak

Mobilere internet baṅ tahẽ̠nre hõ̠ jạruṛ o̠kte̠re messengerre galmarao reak̕ subidhako e̠ma BTRC ar mobile operatorko e̠ho̠p̕eda. Noa lạgit̕ Facebook Messenger ar Discover apps Cạlu hoyok̕a. Ona são sãote Mobile data package reak̕ niạm hõ̠ko so̠do̠ra BTRC. Gapa Mongolbar tikin 12 baje̠ se̠c̕ BTRC reak̕ bạisi oṛak̕re sombad sonmelonre mobile data package reak̕ niạm ar e̠ke̠n be̠go̠r internette messengerre katha e̠pe̠mok̕ lạgit̕ messenger ar discover app e̠ho̠pakada. Ona bạisire hạjirkin tahẽ̠na BTRCren chairman, ICT montri Mostopha Jobbar ar socib Md. Kholilur Rahman. BTRCren mit̕ṭe̠n kạmiại baḍae ocoakana. Jo̠to̠ o̠kte̠ jo̠to̠ ho̠ṛ ṭhen data (Mobile internet) baṅ tahẽ̠ daṛeak̕a. Ado̠ ho̠ṛko je̠mo̠n data be̠go̠rtege akoak̕ jạruṛok̕ kathako kol daṛeak̕ ona lạgit̕ge noa subidha do̠ cạlu hoyok̕kana. Uni do̠ arhõ̠e menkeda, nitok̕ aema lekan mobile operatorkoak̕ aema lekan data package be̠oharte ho̠ṛko̠ do̠ko laṅga cabawakana. Ona lạgit̕ package reak̕ niạm benao jạruṛa. Ona lạgit̕ mobile data package niạm benao hoeakana.

Comments are closed.