Rajshahi Universityre teheń kho̠n Bhurti Biḍạu E̠ho̠pena

Noresh Hasdak

Rajshahi Universityre tehén kho̠n bhurti biḍạu e̠ho̠pena . Mit̕ṭe̠n seat lạgit̕ 31 goṭe̠n pạṭhuạko lạṛhạiok̕a. Me̠nkhan noa do̠ sar kạpi se̠ taṛwaṛete lạṛhại leka do̠ baṅ, metak̕me university bhurti biḍạure sujuk̕ ńam lạgit lạṛhại. Ona lạṛhại do̠ e̠ke̠n ko̠lo̠m ar bo̠ho̠k̕ hataṅtege reak̕kana . Ko̠ro̠na virus karonte aema din leka bond tahẽ̠kana university. Onate bhurti biḍạu hatao reak̕ katha tahẽ̠kanre hõ̠ ona do̠ baṅ purạuwakana. Ado̠ nitok̕ ko̠ro̠na virus reak̕ japṛao komńõ̠k̕ente daraekan 4-6 Ocṭobor,2021 hoyok̕ lạgit 2020-2021 sikhnạt serma reak̕ honors pạhil serma reak̕ bhurti biḍạu. 4 ocṭobor,2021 ( sombar) do̠ C unit (science) reak̕, 5 ocṭobor,2021 ( mongolbar) do̠ A unit (Art’s) reak̕ ar 6 ocṭobor,2021 ( budhbar) do̠ B unit (commerce) reak̕ biḍạu hoyok̕a.
Niạbar hõ pe̠a unitrege biḍạu hoyok̕a. Ar mit̕ goṭe̠n seat lạgit̕ 31 goṭe̠n pạṭhuạko lạṛhạiok̕a. Noako biḍạu do̠ dinạm din  pe̠ o̠kte̠re hoyok̕a. Pạhilak̕ do̠ setak̕ 9:30-10:30 baje hạbic̕, dosarak̕ do̠ 12:00-1:00 baje habic̕ ar tesarak̕ do̠ 3:00-4:00 baje hạbic̕. Nit hạbic̕te noa biḍạu hatao lạgit̕ jo̠to̠ lekateko sapṛaowakana university administration. Baḍaeakana pạṭhuạko do̠ biḍạu e̠ho̠bok̕ 30 minuṭe lahare biḍạu oṛak̕re bo̠lo̠k̕ lagaokoa biḍạu emok̕ oṛakte ar Admit Card r biḍạure jạruṛ jinis chaḍa eṭak̕ak̕ ce̠t̕ hõ̠ bako idi daṛewak̕a . Baḍaejoṅ jạruṛa, 59 goṭe̠n department ar 2 institutere jo̠to̠te 4191 goṭe̠n seat lạgit̕ niạbar do̠ C unit ( science) re 44,194 goṭe̠n, A unit ( Arts) re 43,558 goṭe̠n ar B unit ( Commerce) re 39,895 goṭe̠n pạṭhuạ biḍạuko e̠ma. ado̠ jo̠to̠kote 1,27,647 goṭ̠en giḍrạ biḍạu e̠mo̠k̕ko duṛubok̕a.

Comments are closed.