Ar hõ̠ 8 Lakh Ṭikạ Hijuk̕kana Gapa se̠c̕.

Noresh Hasdak

Asṭrojeneka reak̕ ar hõ̠ 8 lakh ṭikạ gapa (sanicar) ạyup̕ bela se̠c̕ he̠c̕ se̠ṭe̠rok̕a. Teheń sokolbar tikin bela o̠kte̠ Health and Family Welfare Ministry kho̠n mit̕ṭe̠n dhạrwạk̕ lekate noa kathako baḍae ocoakana. Ona dhạrwạk̕re menakana, Germany kho̠n katar reak̕ bimạnte gapa ạyup̕ bela 5 baje se̠c̕ Hojrot Sahajalal Bimạn Bo̠ndo̠rre asṭrojeneka reak̕ 7 lakh 90 hajar dose ṭikạ disạmre se̠ṭe̠rok̕a. Noa o̠kte̠ ona Vaccine ataṅ daram lạgit̕ oṇḍe̠n Bangladisạmre menae Germanyren rasṭro̠dut Akhim Ṭrosṭer ar sastho bibhagren senior socib Lokman Hosen Miah hajirakankin tahe̠na. Nit hạbic̕te Oxford reak̕ Asṭrojeneka, China reak̕ Sinopharm, USA reak̕ phaijer ar Mordana niạte disạmre jo̠to̠te 5 kuṭi 70 lakh 85 hajar 80 ḍose he̠c̕akana. Ar disạmre nit hạbic̕te ṭikạ e̠m hoeakana 5 kuṭi 2 lakh 45 hajar 255 goṭe̠n ho̠ṛ. Noako modre pạhil ḍose reak̕ ṭikạko hataoakada 3 kuṭi 33 lakh 25 hajar 7 goṭe̠n ho̠ṛ ar banar ḍoseko hataoakada 1 kuṭi 69 lakh 20 hajar 248 goṭe̠n ho̠ṛ, oka do̠ disạmre menak̕ko ho̠ṛ hisạbte e̠ke̠n 10.3%.

Comments are closed.