ST Lạgit̕ Dạbiko So̠do̠rkeda All Santal Students’ Union (ASSU)

Assamren santal pạṭhuạkoak̕ gãota metak̕me, Sanam Santal pạṭhuạ gãota ( All Santal Students̕ Union -ASSU) do̠ 28.09.2021 mo̠ṅgo̠lbar hilạk̕ ST lạgit̕ dạbi sakamko calkeda. Assam Raj so̠rkar ṭhen kho̠n Assamren santalko do̠ nit hõ̠ Shedule Tribe- ST ạuriko ńama. Assamren santalko je̠mo̠n ST ạḍi usạrako ńam, ona lạgit̕te jilạ DC ( District Commisoner) hote̠te assamren mukhiạ muntri Hemo̠ndro̠ Sennowal ṭhe̠n dạbiko sakamko kol ocokeda. ASSU reak̕ 15 goṭe̠n jilạ ḍạr gãota kho̠n noa dạbi sakam do̠ kol oco hoyakana. Udạlguri, kokṛajhaṛ jilạ, chirang jilạm, golaghaṭ jilạ, karbi angling jilạ, charaideo jilạ são 15 goṭe̠n jilạ ḍạr gãota sãote ASSUren maraṅ ạk̕yuric̕ rạsiạ hõ̠ se̠le̠t̕ko tahẽ̠kana. ST dạbi sakam calket̕ biso̠yte̠ ASSUren paranik Durga Soren do̠ ac̕ak̕ kathae do̠ho̠akada. Baḍaeok̕kana je, Assamren santal ho̠po̠nko do̠ nit hõ̠ rajjo̠ so̠rkar ṭhe̠n kho̠n ST (Shedule Tribe) sikạr ạuriko ńama. Ona lạgit̕te̠ ASSU do̠ ST hatao lạgit̕te Assam Raj sorkar ṭhen laha kho̠n jor dạbie aro̠j ạguyeda. Latarre dạbi sakam jilạ DC ṭhen cal o̠kte̠ reak̕ citạrko e̠m hoyena .

charaideo jilạ
Charaideo jilạ
chirang jilạ
Chirang jilạ
kokṛajhaṛ jilạ
Kokṛajhaṛ jilạ

Comments are closed.