Ne̠s hõ̠ JSC ar JDC Biḍạu Baṅ Hoyok̕a

Noresh Hasdak

Ko̠ro̠na virus reak̕ halot iạte ne̠s reak̕ JSC ar JDC biḍạu baṅ hoyok̕a me̠nteye baḍae ocoakana sikhhamo̠ntri Dr. Dipu Moni. Teheń mongolbar (28 Septembor,2021) Agargao Mohila Polytechnic Institutere Prime Minister Sheikh Hasinawak̕ 75 bo̠cho̠r janam mãhã manao lạgit̕ neṇḍawakan mit̕ṭe̠n onusṭhan mucạt̕re sambadik̕ko noako kathae metat̕koa. Onusṭhanre uni do̠e menkeda, ko̠ro̠na o̠kte̠rege SSC ar HSC biḍạu hatao reak̕ jo̠to̠ lekan sapṛao hoeakana. Noa o̠kte̠re ko̠ro̠na halotre sikhnạt reak̕ okako khoti hoeakana onako ro̠ṛ rakap̕kateye me̠nkeda, ko̠ro̠na karonte pạṭhuạkoak̕ jiṅgi kho̠n mit bo̠cho̠r nosṭoena. Ado̠ mucạt̕re ko̠ro̠na reak̕ halot mõ̠ńjok̕en khan ale do̠ sikhnạt ṭhãonakole jhic̕keda ar ona são sãote SSC HSC biḍạu hatao reak̕ ho̠̕le goṭakeda. Noa lahare SSC ar HSC biḍạu reak̕ o̠kte̠ goṭa mucạt̕ kate onako so̠do̠rakada Sikkha Montronaloy reak̕ Secondary ar Higher Education bibhag. Daraekan 14 Novembor,2021 kho̠n SSC ar 2 Decembor kho̠n HSC biḍạu e̠ho̠bok̕a. Mo̠ntro̠nalo̠y kho̠n onumo̠do̠n mucạtre hola calaoen so̠mbar Dhaka Secondary and Higher Secondary Education Board reak̕ websitere biḍạu reak̕ o̠kte̠ko so̠do̠rakada.

Comments are closed.