SSC Biḍạu hõ̠ 14 Novembor,2021 Kho̠n E̠ho̠bok̕a

Noresh Hasdak

SSC bid̠a̠u

Daraekan 14 novembor,2021 kho̠n e̠ho̠bok̕a ne̠s reak̕ SSC biḍạu ar mucạdok̕a 23 novembor,2021. Teheń sombar ( 27 august,2021) ona reak̕ o̠kte̠ko so̠do̠rakada sikkha mo̠ntro̠nalo̠y. Noa lahare hola calaoen aṭhwar ( 26 august,2021) mo̠ntro̠nalo̠y reak̕ Secondary and Higher Education bibhag kho̠n noa o̠kte̠ reak̕ onumo̠do̠nko e̠mawada. Noa dinrege ne̠s reak̕ dạkhil biḍạu hõ̠ e̠ho̠bok̕a ona reak̕ o̠kte̠ do̠ calaoen lukhibar (23 septembor,2021) ko so̠do̠rakada Bangladesh Madrasa Education Board. Pe̠ dinrege hoyok̕a noa biḍạu do̠ ar mucạdok̕a 21 novembor,2021. Me̠nakan dinre se̠tak̕ 10:00 baje kho̠n biḍạu e̠ho̠bok̕a ar 11:30 bajere mucạdok̕a. Se̠n parome̠n bo̠cho̠rkore do̠ SSC, dạkhil ar SSC Vocational biḍạu mit̕ sãotege e̠ho̠p̕ baṛak̕kan tahẽ̠na. Niạ bar do̠ ko̠ro̠na karonte sastho̠bidhi manao kate noako biḍạu hatao hoyok̕a. Biḍạu e̠mo̠k̕ lạgit 1 ghonta 30 minute o̠kte̠ ńamok̕a. Biḍạu e̠ho̠p̕ 30 minute lahare pạṭhuạko do̠ biḍạu e̠mo̠k̕ oṛakre bo̠lo̠k̕ lagaokoa ar jo̠to̠ ho̠ṛge sorkare me̠nakat̕ sastho̠bidhi manao lagaoakoa.

Comments are closed.