Bhurti Biḍạuko E̠m Pạṭhuạko Lạgit̕ Taheń Jaegae Bo̠ndo̠b̠sto̠aya Rajshahi University

Noresh Hasdak

Rajshahi Universityre bhurti biḍạu e̠m lạgitko hijuk̕ pạṭhuạko lạgit taheń reak̕ jaegaye bo̠ndo̠bo̠sto̠ya university. Hola calaoen aṭhwar (19 september,2021) noako kathae baḍae ocoakana student advisor Professor M Tarek Nur. Uni do̠e me̠nkeda, universityre barea jimnesiam menak̕a, oṇḍẹ do̠ kuṛi gidrạko lạgit̕ tahen reak̕ bo̠ndo̠bo̠sto̠ hoyok̕a. Ar university reak̕ stadiumre koṛa gidrạko lạgit̕ tahen reak̕ bo̠nd̠obo̠sto̠ hoyok̕kana. Uni do̠ arhõ̠e me̠nkeda, noa niạte arhõ̠ Rajshahi City Corporation ar Police Commissioner sãote galmaraoye duṛubok̕a university. Nagrahakorenak̕ hoṭelkore je̠mo̠n biḍạu e̠mok̕ giḍrạko ṭhe̠n dher paisa bako hatao ona niạtehõ galmarao hoyok̕a. Noa chaḍa hõ̠ nagraha reak̕ Tenis Complex ar eṭak̕ sarkari jaegakore gidrạko lạgit̕ tahen jaega bo̠ndo̠bo̠sto̠ hoyok̕a se̠ baṅ ona reak̕ hõ̠ cintạ bhabna hoyok̕kana. Baḍaejoṅ jạruṛa, Rajshahi University reak̕ pạhil serma bhurti biḍạu daraekan 4 ocṭobor,2021 kho̠n e̠ho̠bok̕a ar 6 ocṭobor,2021 hạbic̕ calak̕a. Ne̠s do̠ pea unit ( A,B,C) re bhurti biḍạu hoyok̕a.

Comments are closed.