“PHUDẠN HAṚAM”

Madhu Murmu

Daraekana “PHUDẠN HAṚAM” Santali uponnas puthi babo̠tte mit̕ lo̠lo̠ kho̠bo̠r ar jo̠bo̠r kho̠bo̠r phesbukre ńe̠lo̠k̕kana. Clement Soren hotete o̠lak̕ noa uponnas reak̕ ńutum do̠ PHUDẠN HAṚAM . Mn. Alakjạṛi Murmu do̠ ac̕ak̕ phesbuk ṭaimlainre tin o̠kte̠ Phudạn Haṛam uponnas reak̕ kobhar citạre so̠do̠rkeda , unkho̠nge noa kho̠bo̠r do̠ cao maraoakana santali sãohẽ̠t̕ pạṭhuạko talare. Aema ho̠ṛge noa puthi paṛhao reak̕ sanako so̠do̠rakada akoak̕ mo̠nto̠bbokore . Uponnas kạhinire ce̠t̕ o̠l me̠nak̕a , Tinạk̕ sebel kạhini menak̕a , ona do̠ nit hõ̠ ạuri baḍae ńamakana. Noa puthiren o̠no̠liạ se̠ sasap̕ṛaoic̕ hõ̠ nit hạbic̕te ạurie lại posaga uponnas reak̕ kạhini babo̠tte. To̠be̠ puthi reak̕ ńutum ńe̠ltege aema pạṭhuạkoak̕ paṛhao te̠taṅ do̠ bạṛti idik̕kantakoa. Note kobhar chubi hõ̠ bạṛti ako̠rso̠ne kạmieda. Kobhar citạr ńe̠lte pạṭhuạko hudisjo̠ṅkana, uponnas kạhini do̠ pase̠c̕ jo̠bo̠rgea. Phe̠sbukre santali o̠no̠ṛhẽ̠ o̠no̠liạ Mn. Pạulus Hembrome mo̠nto̠bbo̠wakada, – “Ḍạlic̕re cakhna ar lạbni ce̠laṅre khijur tạṛi, tale tạṛi – ạḍite̠t̕ batrao base ! ” Md. Nazibul ho̠k sahabe mo̠nto̠bbo̠wakada, – “Citạr ńe̠ltege bujhạuk̕kana, baṅ ma kạhni do̠ tinạk̕ jo̠bo̠ranak̕kana me̠nte” . Mn. Marianus Ṭuḍu mo̠nto̠bbo̠re̠ye̠ o̠lakada, – “Do̠s ṭaka siki le̠ka ạḍi jhupurjhulikin ńe̠lo̠k̕kana phudạn haṛam – buḍhi”. Mn. Albinus Hembrome o̠lakada, – “Koyok̕ ho̠rre minańạ ( paṛhao lạgit̕)”. Mn. Alakjạṛi Murmu do̠ noa puthi ńam lạgit̕ Santali literature & Cultural Association (SLCA) ar JIVET̕ AṚAṄ megajin sãote jogajog reak̕ kathae me̠nakada. Puthi do̠ nit hõ̠ ạuri uchạnạuk̕a, chapa reak̕ kạmi mucạt̕lenkhange ạḍi usạra uchạnạuk̕a me̠nte baḍae ńamakana.

Comments are closed.