HSC-2021 Form Purun Reak̕ O̠tke̠ Dherena.

Noresh Hasdak

2021 sal reak̕ HSC biḍạuko e̠me̠t̕ pạṭhuạko lạgit̕ form purun reak̕ o̠kte̠ arhõ̠ko dherakada. Nãwã o̠kte̠ lekate form purun 22 sepṭembor,2021 hạbic̕ calak̕a, ar 26 se̠pṭe̠mbo̠r hạbic̕ ṭakako̠ sodh daṛewak̕a. Teheń budhbar (15 se̠pt̠embo̠r,2021) Dhaka Boardren exam controller professor S.M Amirul Islamak̕ suhite mit̕ṭe̠n ardasre noa kho̠bo̠rko baḍae ocoakana. Ona ardasre me̠nakana, 2021 sal reak̕ HSC bidạuko e̠me̠t̕ pạṭhuạko form purun lạgit̕ Sikhnạt ṭhãona kho̠n SMS kol reak̕ o̠kte̠ 16 se̠pṭe̠mbo̠r kho̠n 22 se̠pte̠mbo̠r laha idiyena. SMS ńam baṛakate ṭaka sodh reak̕ o̠kte̠ hõ̠ 26 se̠pṭe̠mbo̠r,2021 hạbic̕ dher hoeyena. Jãhãe pạṭhuạko noa o̠kte̠ modre form bako purun daṛewak̕khan ona reak̕ dayik do̠ sikhnạt ṭhãonaren lạṭuic̕rege ladek̕a. Baḍaejoṅ jạruṛa, noa lahare calaoen 12 August,2021 kh̠on HSC ar Alim bidạu reak̕ form purun e̠ho̠p̕akana. Un o̠kte̠ do̠ 25 August,2021 hạbic̕ form purun reak̕ o̠kte̠ goṭa hoyelena. Tayomte ona hõ̠ dher kate 30 August,2021 hạbic̕ o̠kte̠ tahẽ̠kana. Ona tayom arhõ̠ mit̕ dhao dher kate 16 se̠pṭe̠mbo̠r,2021 hạbic̕ goṭayena. Ado̠ jo̠to̠ kho̠n mucạt̕re teheń budhbar (15 se̠pte̠mbo̠r,2021) 22 Se̠pṭe̠mbo̠r hạbic̕ o̠kte̠ dher kate  ardasko e̠makada.

Comments are closed.