Ńindạ Paromlenkhange Arhõ Gidrạkoak̕ Kạwạ-rạwạte Sohanok̕a Sikhnạt Ṭhãonako

Noresh Hasdak

Me̠nkeyam jạnic̕ jahan po̠ro̠bge e̠ho̠bok̕ lạgit. Sạri katha kangea, me̠nkhan noa do̠ judạ lekan po̠ro̠b ar rạskạkana. 18 cando leka school-college bond mucạt̕re arhõ̠ gapa kh̠on sikhnạt ṭhãonako jhic̕jok̕kan iạte pạṭhuạ gidrạkoak̕ mo̠ne do̠ sạrige rạskạte pe̠re̠jok̕kana. Aema din tayom pạṭhuạ gidrạko do̠ akoak̕ ṭhãonareko ruạṛok̕a ar oṇḍe̠ do̠ akoren gateko tuluc̕ko ńapama arhõ nãwãte akoak̕ o̠lo̠k̕ paṛhao jiṅgiko e̠ho̠p̕takoa. Sikhnạt ṭhãonako hõ̠ sapha saphi kateko sapṛaoakada ona saote jopraoko tahẽ̠kan kạmiạko. Pạṭhuạ gidrạko ataṅ daram lạgit jo̠to̠ sikhnạt thãonakoge nãwãteko sapṛao aroye̠t̕kana . Nitok̕ do̠ e̠ke̠n koyok̕ horre menak̕koa tinre ńindạ paromkate aṅga marsalok̕a. Baḍaejon jạruṛa, calaoen 5 Septembor,2021 sikkha mo̠ntri Dr. Dipu Moni sabha mukhiạ tahẽ̠kate so̠cibalo̠ere hoeye̠n ona sabha mucạt̕re gapa kho̠n sikhnạt ṭhãona jhic̕ reak̕e roṛakada. Jo̠to̠ ho̠ṛ mask ho̠ro̠k̕ ar sastho̠bidhi je̠mo̠nko manao onako hõ̠ ona sabhare hukum e̠m hoeyakana. Teheńak̕ noa ńindạ paromkate arhõ̠ gidrạkoak̕ kạwạ-rạwạte sikhnạt t̠hãonakore o̠lo̠k̕-paṛhao e̠ho̠p̕kate sohanok̕a noage jo̠to̠ hoṛak̕ as ar rạskạ.

Comments are closed.