Ko̠ro̠na Reak̕ Japṛao Dherlenkhan Arhõ̠ Skhnạt Ṭhãonako Bond Hoyok̕a

Noresh Hasdak

Ko̠ro̠na Bhairas japṛao reak̕ halot dherlenkhan  arhõ̠ sikhnạt ṭhãonako bond hoyok̕a me̠nte̠ye̠ baḍae ocoakana sasthomontry Md. Zahid Malek. Teheń sokolbar( 10 September,2021) Rajdhạni reak̕ Sorkari Titumir Collegere  2020-2021 sikhnạt serma reak̕ BDS bhurti bidạu hiri mucạtre noako kathae badae ocowakana. Mit̕ bo̠cho̠r kho̠n hõ̠ jạsti o̠kte̠ school-college bond mucạt̕re daraekan aṭhwar hilok̕ kho̠n jhic̕ hoyok̕kana sikhnạt ṭhãonako. Ko̠ro̠na bhairas reak̕ japṛao komao he̠c̕ente noae goṭawakada Bangladisamạm so̠rkar. Mo̠ntri do̠ arhõ̠e me̠nkeda, disạmre ko̠ro̠na bhairas reak̕ japṛao arhõ̠ dherlenkhan sikhnạt ṭhãonako bond reak̕ be̠bo̠sthae hatawa sikha mo̠ntro̠nalo̠y. Ar ale hõ̠ onkage̠le me̠ne̠t̕kana. Sikhnạt ṭhãonako jhic̕ tayom jodi gidrạko bhairas japaṛakokhan khạṭige sikhnạt ṭhãonako bond hoyok̕a. Uni do̠e me̠nkeda, dhạrti reak̕ aema disạmge sikhnạt ṭhãona jhic̕ kate arhõ ko bondakada. Ale hõ ona niạm ge̠le̠ pańjaea. Gidrạkoak̕ bhạlại ar bhairas kho̠n rukhiại lạgit̕ aledo̠le kurumuṭuyeda.

Comments are closed.