Assistant Teacher Hatao Reak̕ Bidạu Ne̠s Baṅ Hoyok̕a

Noresh Hasdak

Ko̠ro̠na virus japṛao karonte aema din leka thir hape menak̕a sarkari primary school reak̕ 32 hajar teacher hatao reak̕ bidạu. Sikhnạt ṭhãonako jhic̕ reak̕ katha ańjo̠mte thir hape menak̕ bidạu hatao lạgit̕ sapṛaoye e̠ho̠p̕akada DPE (Directorate of Primary Education). Me̠nkhan ne̠s do̠ ona bidạu baṅ hoyok̕kana. DPE kho̠n baḍaeakana, sikhnạt ṭhãonako bond tahẽ̠kante assistant teacher hatao reak̕ kạmiko bond tahẽ̠kana. To̠be̠ DPE do̠ school college jhic̕ reak̕ goṭa hoeyen tayomge bidạu hatao reak̕e sapṛaok̕kana  Nit hạbic̕te OMR sheet chapa reak̕ kạmi e̠ho̠p̕akana ar bidạu reak̕ kukli kagat (question paper) benao kạmi hõ̠ calak̕kana. Onko do̠ arhõko baḍae ocowakana, bidạu hatao lạgit̕ sapṛao hoyok̕kanre hõ̠ nes do̠ bidạu ne̠ṇḍa reak̕ do̠ baṅ me̠no̠go̠k̕kana. Ce̠dak̕je novembor ar decembor candore aema public bidạuko hoyogo̠k̕a, ona iạte bidạu hatao lạgit̕ center baṅ ńamok̕a. Me̠nkhan ko̠ro̠na virus reak̕ halot baṅ bạṛic̕ le̠nkhan daraekan semra reak̕ pạhil se̠c̕ge bidạu do̠ hoe daṛeak̕a. Baḍaejoṅ jaruṛa, calaoen 19 octobor nit hạbic̕te primary mahaso̠e hatao reak̕ nagamre jo̠to̠ kho̠n maraṅ utạr ardasko so̠do̠rakada. 25 octobor setak̕ 10:30 baje kho̠n onlinere apply e̠ho̠p̕lena ar 24 novembor ona do̠ mucạt̕lena. 32 hajar post lạgit̕ 13 lakh kho̠n hõ̠ jạsti nukri sendrakoko applicationakada.

Comments are closed.