Schoo-Collegeko Jhic̕ Reak̕ Mucạt̕ Goṭa Hoyena

Noresh Hasdak

Ko̠ro̠na virus reak̕ ruạ karonte aema din leka sikhnạt ṭhãonako bond tahẽ̠n mucạt̕re daraekan 12 September kho̠n disạm reak̕ jo̠to̠ sikhnạt ṭhãonare kilạs e̠ho̠bok̕a me̠nte̠ye̠ baḍae ocoakana sikkha montri Dr. Dipu Moni. Teheń aṭhwar (5 September,2021) sikkha montri sabha mukhiạ tahẽ̠kate socibaloyre hoeyen sabha mucạtre noako kathae lạikeda montri. Montri do̠e me̠nkeda, daraekan 12 Septembor,2021 kho̠n primary, high school ar collegekore kilạs e̠ho̠bok̕a, me̠nkhan universitykore tis kote kilạs e̠ho̠bok̕a ona do̠ Vice Chancellorko goṭaya. Aema din tayom sikhnạt ṭhãonako jhic̕jok̕kanre hõ̠ e̠to̠ho̠pre do̠ jo̠to̠ kilạs reak̕ paṛhao do̠ dinạm din baṅ hoyok̕a. E̠to̠ho̠pre do̠ dinạm dinge 5 kilạs, 10 kilạs ar 11,12 kilạs reak̕ paṛhao hoyok̕a. Me̠nkhan e̠ṭak̕koak̕ do̠ haptare mit̕ din kilạs hoyok̕a. Jo̠to̠ ho̠ṛ mask ho̠ro̠k̕ lagawakoa ar social distance manao kate kilạs oṛakre duṛupko reak̕e bo̠ndo̠bo̠sto̠ea sikhnạt ṭhãona. Montri do̠ arhõ̠e me̠nkeda, e̠ho̠p dinre do̠ e̠ke̠n 4-5 ghoṇṭa kilạs hoyok̕a, bại bạite kilạsko dher idik̕a. Jo̠to̠ sikhnạt ṭhãona check list purun kate sikkha mo̠ntro̠nalo̠yko kola. Mn. Montri me̠nkeda, ko̠ro̠na japṛao dherlenkhan arhõ̠ bond reak̕ hukum hoe daṛewak̕a.  Schoolko̠re bo̠lo̠k̕ jo̠khen line kate gidrạko bo̠lo̠ ocoko lagak̕a, ar nitok̕ do̠ jahan assembly baṅ hoe hataṛok̕a, to̠be̠ mo̠n se̠c lekate sapha mõ̠ńj tahẽ̠n lạgit̕ gateko do̠ hoyok̕gea.

Comments are closed.