COVID-19 daram ar Kạuḍi o̠r rakaṕ bakhra Sarkari Pro̠no̠do̠na Pe̠ke̠jko

Nicolash Kisku: COVID-19 ruạte dhạrti reak̕ aema disạmre kạuḍiari akal jańge daram lạgit jo̠to̠ disạmge aema kạmi-horako hataoakada. Disạm e Ko̠ro̠na ajar he̠c̕tora kho̠nge Bangladisạm sarkar do̠ aema lekan kạmi-horae hataoakada. Ko̠ro̠na ajar reak̕ dalop̕ kho̠n disạm sap̕ rakap̕ khạtirte sarkar do̠ ponea lạṭu kạmi-ho̠rae hataoakada. Onako do̠ turạt, thoṛa din, ḍher din meadre kạmi idiak̕. Ko̠ro̠na ajar jańge daram lạgit̕te Bangladisạm sarkaraḱ ponea(4)-mul kạmi horako do̠ hoyok̕kana:

  1. Sarkari kho̠ro̠c jạstie: Sarkari kạmire jạsti ho̠ṛ hataoko bakhrate sarkari kho̠ro̠c jạstiakana. Bide̠ste daṛan ar baṅ jaruṛan jinisko kiriń lạgit̕ko manayet̕koa. GDP ar pablik kho̠ro̠c reaḱ onupat ạḍi thoṛa (34%) iạte sarkari kho̠ro̠c jạsti lekhan kạuḍiari istitisilota cetanre jahan cap baṅ paṛaḱa ar sarkari rin reak̕ ṭeksoi obostan tahẽ̠na.
  2. Kạuḍi gõ̠ṛõ̠an pe̠ke̠g: Utpadon khatre kạmiạko mõ̠ńj do̠ho̠ko lạgit̕ aso̠kaete utpado̠n mukhi kạmiạko sap̕ dohoko, protisṭhanko modre protijo̠gita sap̕ do̠ho̠e, kạuḍiari kạmi-horako ar be̠bosa-bạnijkore mõ̠ńj po̠ribe̠s ạgui lạgit̕ aso̠kaete ro̠ptani mo̠khi silpo̠ko kạuḍi gõ̠ṛõ̠ e̠mako. Noa khạtirte maraṅ kạmi-horako do̠ hoyena be̠bo̠sa lạgit̕te beṅking be̠bo̠sta kho̠n thoṛa sudte rin e̠mako.
  3. Samajik suraksha kạmi-hora bạṛtie: Do̠ridro̠ simạ latarre menak̕ko kạmiạko ar o̠ko̠eko opro̠tisthanreko kạmikan onkoaḱ moulik cạhida meṭao lạgit̕ samajik suraksha kạmi-hora bạṛtie. Ona lạgit̕ maraṅ ṭhaoko do̠ hoyok̕kana:(1) Bina kạuḍite jọmaḱ ẹmako, (2) Sarkari jạsti vo̠rto̠rkite bajarre caole se̠ jinisko ạkhriń, (3) Jạsti jhukire tahẽ̠nko ho̠ṛ ṭhe̠n no̠go̠d kạuḍi hạtińako, (4) Disạmren ạḍi nacar 112 goṭṭe̠n upojilạren sanam le̠k ho̠ṛko ṭhe̠n sorkari vata(rạnḍi/boyesko/pro̠tibo̠ndhi) bạrtie. (5) Re̠ńge̠ć ar oṛak̕ baṅan ho̠ṛko lạgit̕ goṭa disạmre oṛaḱ tearako.
  4. Mudra sorboraho jạstie: Kạḍiarire to̠ro̠l kạuḍi jạstie je̠no ko̠ro̠na okte̠re hõ̠ sahao lekan daṛe tahẽ̠n ar jaoge be̠bo̠sa kạmi-horako calao daṛeak̕. Mudra sorboraho jạstie lạgit̕te Banglades Beṅk kạmi-horako lahaoakada.

Noako kạmi-horako purạu lạgit̕te maran̕ montri manotan Sheikh Hasinaoaḱ ạyurte 21 ṭi kạmi lạgit̕ 1 lak 20 hajar 153 koṭi ṭaka reaḱ mit̕ṭe̠n pro̠do̠na ar kạuḍi arjao sap̕ ruạṛ pe̠ke̠j (GDP reaḱ 4.30%) uchạn hoeakana. Onate ạḍi jạruṛ sastho se̠ba, jomaḱ nirapotta, kạmiạko ṭhik do̠ho̠e ar kạuḍi arjao khotiko komao bakhrako gõ̠ṛõ̠akoa. Latarre noako reaṅ bibiron o̠l-hoyena:

  1. Ro̠ptani muki siplo̠ pro̠tisṭhanko lạgit̕ bises to̠ho̠bil: Ko̠ro̠na ajar karonte aema ro̠ptani mukhi khatre ro̠ptani bạtil e̠ho̠p̕akana. Ona khạtirte prae 50 lak gan kạmiạko akoaḱ kạmi at̕ reak̕ bhạbitre menak̕koa. Niạ o̠bo̠stare ro̠ptani mokhi khatren kạmiạko bakhra 5 hajar koṭi ṭaka reak̕ pro̠no̠do̠na pe̠ke̠j uchnạu hoeakana. Noa reak̕ kạmi hora do̠ 28/04/2020 tạrik kho̠n e̠ho̠pakana. Noa pe̠ke̠j reak ́ rinko do̠ sud muktogea.
  2. Khotiakan silpo̠ ar sarvis se̠kṭo̠rko lạgit̕ working capital subidha e̠mako: Ko̠ro̠nare khotiakan silpo̠ ar sarvis se̠kṭo̠rko thoṛa sudte working capital subidha e̠mako bakhra 30 hajar koṭi ṭaka reaḱ pro̠no̠do̠na uchnạu hoeakana. Inạ tayomte barea dhapre ona bạṛti kate 40 hajar koṭi ṭakare calaoanaka. Onare do̠ sud reaḱ har do̠ 9% ona modre rin hataoić 4.5% ar bạki 4.5% do̠ sarkare e̠mok̕a. Noa bakhra nit hạbić 28,095 koṭi ṭaka hạṭiń hoeakana.
  3. Kạtic̕ ar majhari silpo̠ pro̠tisṭhanko working capital subidha e̠mako: Noa pro̠no̠do̠na bakhra kạtic̕ ar majhari silpo̠ pro̠tisthanko thoṛa sud e 20 hajar koṭi ṭakae e̠makoa. Sud reaḱ har do 9% oka do̠ hataoić 4% ar bạki 5% do sarkare e̠m soda. Noa pe̠ke̠jre nit hạbić 7,000 koṭi ṭaka hạtiń hoeakana.
  4. Bangladesh beṅk reaḱ EDP(Export Development Fund) reaḱ subidha jạstie: Noa pe̠ke̠jre 3.5 billion ṭaka kho̠n bạṛti kate 5 billion hoeakana. Ona reak ́sud har komao kate 2% hoeakana. Tayomte ona reaḱ sud har arhõ̠ komao kate 1.75% re ạgu hoeakana. Nit hạbic̕te ona pe̠k̠ejre 10,312 koṭi ṭaka hạtiń hoeakana.
  5. Pre-shipment Credit Refinance Scheme: Ro̠ptani mukhi pro̠tisṭhankoaḱ daṛe jạstie lạgit̕te noa pe̠ke̠jre 5 hajar koṭi ṭaka rin sobidhako ńama. Noa pe̠k̠ej reaḱ subidha ńam lạgit̕te 31 ṭi beṅk sãote Bangladesh beṅkak̕ sustainable Finance Dipartment sãote cukti hoeakana.
  6. Daktar, Nạrs ar sastho kormiko la̠git̕ bise̠s mạn(100 koṭi ṭaka): Ko̠ro̠na ajar rogiko ran se̠ se̠ba e̠makokan daktar, nạrs, sastho kormiko do̠ bar cando reaḱ mul be̠to̠n reaḱ soman ṭaka mit̕ dhao mạn lekateko ńama. Noa bise̠s sonmani ńańamko do̠ sastho bivagko talikaea ar ṭaka e̠mo̠k ́ niscita.
  7. Ko̠ro̠na ajarre paṛao se̠ go̠c̕akanko lạgit̕ khoti puron (770 koṭi tạka): Ko̠ro̠na ajarre paṛaoakan se̠ go̠c̕akan daktar, nạrs ar sasth kormiko ar lokdownre kạmiakat́ sarkari bahiniko, o̠ko̠eko do̠ Ko̠ro̠na ajarreko paṛaoakan se̠ ko go̠c̕ calaoen onko do̠ khoti puro̠n bakhara ṭakako ńama. Nit́ hạbic̕te noa khatre 13 koṭi 62 lak 50 hajar ṭaka e̠m hoeakana.
  8. Binạ poesate jo̠maḱ hạtiń: Ko̠ro̠na vairas karo̠nte ackage baṅ kạmie̠t̕ kạmiạko lạgit̕ noa pe̠ke̠jre juruṛi gõ̠ṛõ̠ bakhra caole, jo̠maḱ, gidrạ jomaḱko hạṭiń reaḱ be̠bo̠stha hoeakana. 1,067 koṭi ṭaka reaḱ jomaḱ nit́ hạbic̕te hạtiń hoeakana.
  9. 10 ṭaka ke̠ji caole ạkhriń: Noa pe̠ke̠j do̠ barea bhagte kạmi calak̕kana. Mit́ do̠ ato-oṛak̕kore ar mit̕ do̠ so̠ho̠r-bajarren ạd̠i re̠ṅge̠c̕ nacarko do̠ noa pe̠ke̠jte thoṛa damte caole ko hataoeda. Noa pe̠ke̠jre ato-oṛak̕re nit hạbic̕te 1.50 lak meṭrikṭo̠n caole hạṭiń hoeakana. Ar so̠ho̠r bajarre do̠ 241 koṭi ṭaka reak̕ 68 meṭrikṭo̠n caole hạṭiń hoeakana.
  10. Ạḍi re̠ṅge̠c̕ nacar ho̠ṛko talare no̠go̠d ṭaka hạṭiń: Gota Baṅgladisạmre 50 lak ghãrõ̠ńj ko do̠ 2,500 ṭaka kate e̠m hoeakana. Nit hạbic̕te 879 koṭi 42 lak 42 hajar ṭaka din kạmiạko, re̠ńge̠c̕ casako, mo̠to̠r kạmiạko ar e̠ṭaḱ e̠ṭaḱ kạmiạkoren re̠ṅge̠ć ho̠ṛko talare hạṭiń hoeakana.
  11. Sarkari Bhata kạmi hora bạṛtie: Disạm reak̕ jạsti re̠ṅge̠c̕ 112 ṭi upjilạre boye̠sko bhata, rạṇḍi bhata, pro̠tibo̠ndhi bhata ar jãwãe bạgikoaḱ bhata soṅkha bạṛtige noa pe̠ke̠j reaḱ as do̠. Noa pe̠ke̠jte 11 lak 5 hajar jo̠n upokarko ńame̠t̕kana.
  12. Oṛaḱ bạnuḱ ho̠ṛko lạgit̕ Oṛaḱ benaoako: Ạdi re̠ṅge̠c̕ ar oṛaḱ bạnuk̕tako ho̠ṛko lạgit̕ oṛak̕ benaoakoge noa pe̠ke̠j reak̕ aso̠luddeso do̠. Noa pe̠ke̠jre mo̠ṭ 2 hajar 130 koṭi ṭaka boraddo̠ do̠h̠o hoeakana. Durjo̠g be̠bo̠sthapo̠na ar tran mo̠ntro̠nalo̠e kho̠n 360 koṭi ṭaka ar pro̠dhan mo̠ntri karjalo̠y kho̠n Asraon pro̠ko̠lpo̠re 400 koṭ̣i ṭ̣aka reaḱ kạmi hoeakana.
  13. Hoṛo-Caole kiriń kạmiko: Casako ṭhe̠n kho̠n hoṛo-caole kiriń hatao lạgit̕te sarkar do̠ 6 lak me̠ṭrikṭo̠n kho̠n bạṛti kate 8 lak me̠ṭrikṭo̠ne sap̕akada. Ar ona babodte 860 koṭi ṭaka noa pe̠ke̠jre do̠ho̠ hoeakana.
  14. Cas Kạmiko lạgit̕ cas abad jo̠ntro̠ko(3,220 koṭi ṭaka): Cas kạmikore adunikayon lạgit̕te kạmi o̠kte̠re kạmiạ ovab purạu lạgit̕ cas kạmikore jo̠ntro̠ bebohar se̠ kiriń lạgit̕te 3 hajar 220 koṭi ṭaka noa pe̠ke̠jre do̠ho̠ hoeakana. Nit hạbic̕te 168.22 koṭi ṭaka kho̠ro̠c hoeakana. Arhõ̠ 3,020 koṭi ṭaka reak̕ kạmi horako calak̕kana.
  15. Cas kạmire Bho̠rtuki (9,500 koṭi ṭaka): Calaoen sermare do̠ cas kạmire bhortukire 8 hajar koṭi ṭaka tahẽ̠lena. Ko̠ro̠na ajar karonte jo̠maḱko reaḱ nirapotta lạgit̕ noa bo̠cho̠r do̠ cas bhortuki babod 9 hajar 500 ṭakare rakaṕakana.
  16. Cas ropha ruạṛ iskim: Cas abad kate bạṛti utpado̠n ar nirapo̠tta reaḱ kathako bhạbit kate 5 hajar koṭi ṭaka reaḱ rin subidha skim do̠ho̠ hoeakana. Noa khatre 2,089 koṭi ṭaka hạṭiń hoeakana.
  17. Kạtic̕ Casa/be̠bo̠sayiko lạgit̕ ropha ruạṛ iskim: Kạṭic̕ casa ar kạṭić be̠bo̠sayiko lạgit̕te pro̠do̠na pe̠ke̠jre 3 hajar koṭi ṭaka rin subidha e̠m hoeakana. Noa iskim do 42 ṭi beṅk ho̠te̠te 2,918 koṭi ṭaka rin hạṭiń hoyoḱa. Nit hạbićte noa pe̠ke̠jre 600 koṭi ṭaka hạṭiń hoeakana.
  18. Aema lekan kạmi hora lạgit (Polli Unnoen beṅk, ko̠rmo̠so̠ṅstan beṅk, Pro̠basi ko̠llan beṅk ar PKSF ho̠te̠te 2,000 koṭi ṭaka): Polli Unnoyon beṅk, ko̠rmo̠so̠ṅstan beṅk, Pr̠obasi ko̠llan beṅk ar PKSF noko jo̠to̠ge 250 koṭi ṭaka kate moṭ 1,000 koṭi ṭaka iskim lekate e̠m hoeakana. Noako modre nit hạbic̕te 428 koṭi ṭaka hạṭiń hoeakana.
  19. Banijjik beṅkkoaḱ Rin reaḱ sud moukup babod Bho̠rtuki(2,000 koṭi ṭaka): Noa pe̠ke̠jre do̠ banijjik beṅkko hataoakat̕ rin reaḱ sud moukup ar sud babod bhortuki sorkare e̠mkana. Mot sud 16 hajar 549 koṭi ṭaka modre 2 hajar koṭi ṭaka bhortuki e̠m hoeakana. 72.82 lak rin hataoko noa bhortuki babod 1,390 koṭi ṭakako ńamakada.
  20. Credit Risk iskim SME se̠kto̠r(2,000 koṭi ṭaka): Nãw̃age uchạnakan noa pe̠ke̠j do̠ SME be̠bo̠saiko lạgit̕ hatao hoeakana. Noa reaḱ kạmi horako d̠o ạḍi usạrage e̠ho̠boḱa.
  21. Social Protection(Cash Transfer) export industryko lạ̣git̕ (1,132 koṭi ṭaka): Noa pe̠ke̠j reaḱ kạmi horako purạu lạgit̕te srom ar ko̠rmo̠so̠ṅsthan mo̠ntro̠nalo̠eko kamie̠t̕kana. Ạḍi usạrage Ko̠ro̠nare kho̠ti akan kạṭić companikoaḱ talika kate noa pe̠ke̠j reaḱ ̣takako hạtińakoa.

( O̠l toṅgek̕a … )

Baṅgladisạm sarkaraḱ noa pe̠ke̠j, iskimko reaḱ reference do̠ Baṅgladesh Beṅk ar Financial Express khonaḱ hatao hoeakana.

Comments are closed.