Rajshahi University Nãwã VCko Ńamkedea

Noresh Hasdak

RU Vice Chancellor

Aema din tạṅgi tayom mucạt̕re Rajshahi universityren 24 no̠mbo̠r Vice-chancellor hisạbteye bachao ocoyena Environmental Science Instituteren cacalaok̕ic̕ ar Geology and Mining departmentren professor Dr. Golam Sabbir Saktar. Teheń aṭhwar (29 August,2021) Shikha montronaloyren uposobib Mahmudulak̕ soite mit̕ṭe̠n ardasre noa kho̠bo̠rko baḍaeocowakana. Rajshahi universityren 24 nombor Vice-chancellor hisạbte uni do̠e bachaoena. Universityren Chancellor man̠otan President Md. Abdul Hamid pon bo̠cho̠r lạgit̕ noa kạmiye gok̕adea.

Noa maraṅ kạmire se̠le̠dok̕ jokhe̠n oṇḍe̠ Pro-Vc Professor Choudhury Mohammad Jakaria, Pro-Vc Professor Mohammad Sultan-Ul- Islam, Treasurer Professor A.K.M Mostafijur Rahman Al Arif, Register Professor Mohammad Abdus Salam são sãote Facultyren Dean, Hallkoren Provost, Departmentkoren Chairman , Officeren kạmiạko ar aema eman Professor ar kạmiạko oṇḍe̠ hạjirko tahẽ̠kana. Noa dayik gok̕ baṛakate uni do̠ Bongobondhu Sheikh Mujibur Rahman Hallre benaoakan Bongobondhuwak̕  muṭhạnre baha malae e̠mkeda ar mit̕ minute thirhape kate uniak̕ atma reak̕ bhạlại lạgit̕e koejoṅkeda. Ona tayom uni do̠ arhõ 69 salre mãyãm gohako e̠mle̠t̕ Dr. Shamsujzoha majar, Shohid Minar, Shohid buddhijibi piṇḍạ ar ona Shohid neta A.H.M Kamrujjamanak̕ topare hõ̠ baha mala e̠mkate onkoak̕ atma reak̕ suluk lạgit̕e koekeda. Mucạt̕re uni do̠ university reak̕ sikhnạt ar gobesona kạmi mõ̠ńjte calao lạgit̕ Mahaso̠e, kạmiạ, pạṭhuạ ar somajren jo̠to̠ ho̠ṛko ṭhe̠n gõ̠ṛõ̠e kho̠jena. Un jo̠khe̠n eṭak̕ko mudre Pro-Vc Professor Choudhury Mohammad Jakaria, Pro-Vc Professor Mohammad Sultan-Ul- Islam, Treasurer, Professor A.K.M Mostafijur Rahman Al Arif  university bhạlại lạgit̕  mit̕ jo̠mo̠kte kạmi reak̕ kathako ro̠ṛkeda.

Comments are closed.