Maraṅ ruạ ko̠ro̠nate 4 koṭi o̠lo̠k̕ paṛhao gidrạkoak̕ loksan me̠ne̠dae UNICEF

Ko̠ro̠na bhaeras karonte Baṅladisạm reak̕ sikhnạt pratisṭhan ge̠l irạl serma bond menak̕a. Ona iạte pạhil kilạs kho̠n cetan kilạsren o̠lo̠k̕ paṛhao gidrạkoak̕ paṛhao ạḍi loksan halatre paṛaoakana arko paromeda.

Calaoen mo̠ṅgo̠l hilok̕ Baṅladisạmre UNICEF ạguḍạr Tomo Hujumi akoak̕ mit̕ report ho̠te̠te noa kho̠bo̠r baḍae ocok̕kana.

Reportre o̠l menak̕a tinạk̕ o̠kte̠ hạbic̕ kạṭic̕ kạṭic̕ o̠lo̠k̕ paṛhao gidrạko iskul barheko tahẽ̠na unạk̕ge jo̠bo̠jo̠s be̠mano̠t, kạṭic̕ umạrre hamal kạmire joṛao, kạṭic̕ umạr bapla  lekan muhim halat tearok̕a. Ar oṅko iskulre arhõ̠ ruạr he̠c̕ reak̕ so̠mbho̠b hõ̠ bại bạite komao hijuk̕a.

Ho̠rmo̠ lekate hạjir kate o̠lo̠k̕ paṛhao cet̕  ar sikhnạt kạmi são sãote ho̠ṛmo̠ hepajo̠t ar mo̠n reak̕ bhạlại halot cetan bạṛic̕ bhar parak̕kana.

Nacar nacar halatre (Marginal) menak̕ko kạṭic̕ kạṭic̕ gidrạko jo̠to̠ kho̠n jạsti loksanok̕kanako me̠nte noa reporte lạieda. Ona lạgit̕ iskul jhic̕ ar o̠lo̠k̕ paṛhao reak̕ loksan purạu lạgit̕ lagan bagan (Invest) koraoge aboak̕ jạruṛ dayik kạmikana.

 

 

 

 

Comments are closed.