YOUTUBEAre bar ge̠l lakh channel kho̠n ho̠ṛko arjaoeda

Aema ho̠ṛge YOUTUBE reak̕ jãhãn bhiḍio ńe̠lkate somoeko khemaoe̠t̕a se̠ rạskạko hunạrjoṅa. Pase̠c̕ jãhãnạk̕ cet̕ lạgit̕ hõ̠ o̠kte̠ khemaoe̠t̕a. Me̠nkhan jãhãe bhiḍio tearet̕kan ho̠ṛko lạgit̕ hõ̠ noa do̠ kạuḍi arjao kate jivi bańcao reak̕ hõ̠ upạikana.
YOUTUBE baḍaeocyeda, noa platform kho̠n arjao reak̕ channel reak̕ no̠mbo̠r 20 lakh leka.
“Partner Programme ” ńutuman mit̕ kạmi hoṛa ho̠te̠te noko bhiḍio teare̠t̕ko youtube kho̠n kạuḍiko ńama.
Partner Programmere joṛao lạgit̕ jãhãe YOUTUBE channelren bhiḍio tearet̕kanko ardasko e̠m dareak̕a. Ona lạgit̕ ko̠m se̠ ko̠m mit̕ hajar subscriber tahẽ̠n jạruṛa. Noa sãote calaen mit̕ sermare ona channel reak̕ bhiḍio guṭ po̠n hajar ghạṛic̕ ńe̠l lagak̕a.
Inạ tayo̠m YOUTUBE ardase hatao lenkhan ona channel tearet̕kanko ho̠te̠te

Advertisements, Subscription fee, go̠ṛo̠ dan, live streaming, Youtube premier ho̠te̠te arjao reak̕ aphsor tahẽ̠na.
Bhiḍio tearet̕kankoak̕ lạṭu arjao advertisements kho̠nge hijuk̕kana ar noa reak̕ mit̕ maraṅ hisạ YOUTUBE authority hõ̠e ńama. Ar noṅkate ńe̠logo̠k̕kana bhiḍio tearet̕kankoak̕ tinạk̕ arjao unak̕ge youtubeak̕ lab.
Me̠nkhan googleak̕ noa sewa ḍạr pratisṭhan youtube reak̕ bhiḍio channel lạgit̕ mit̕ butlạk (qualification) ṭhikakadae. Oka lekate sanam ho̠ṛ do̠ bako joṛao daṛwak̕a. Ona reak̕ karon do̠ hoyok̕kana jãhãn advertisements e̠mo̠k̠̕ko judi bhiḍio reak̕ content babod tirip aikạukate jãhãe advertisements e̠mo̠k̕ey bond lekhan youtubeak̕ ghạṭi (loss) hoyok̕a.
2019 serma kho̠n youtubere hạluạṅ halaṅ (harasment) ạn arhõ̠ nãwãkate thora jạsti bisoe joṛao hoekana. Oka ạn lekate aema bhiḍio tearko sạjại hisạbte advertisements kho̠n kạuḍi arjao reak̕ ḍaharey bondakada.

Comments are closed.