Se̠pṭe̠mbo̠r Candorege Jhijuk̕kana College ar University, Dherok̕kana High School Reak̕ Chuṭi

Noresh Hasdak

18 cando leka bond thẽkate Se̠pte̠mbo̠rrege jhijuk̕kana college ar university. Sasthobidhi manao kate kilạs ar bidạu hatao reak̕ko dhạrwạk̕akada National university ar Dhaka university sãote jopṛao menak̕ eae go̠ṭe̠n collegeko. Noa são sãote niạ bo̠cho̠r reak̕ novemborre SSC ar Decemborre HSC bidạu hatao reak̕ hõ̠ goṭawakana. Me̠nkhan ko̠ro̠na virus reak̕ japṛao 5% latar ạuri phe̠do̠k̕ hạbic̕ schoolko do̠ bond tahẽna. Ona iạte arhõ dherok̕kana primary ar high school reak̕ chuṭi. Secondary ar Higher Education bibhagren socib MD. Mahbub Hossaine me̠nke̠da, Prime minister ạḍi usạrate sikhnạt̕ ṭhãonako jhic̕ reak̕ hukume e̠makada. Ona lekate ale do̠ jo̠to̠ se̠c̕te̠le sapṛaoakana. Nitok̕ do̠ korona virus reak̕ japrao bạe bạete komao hijuk̕kana, tin okte noa halot mõ̠ńj se̠c̕ hijuk̕a unrege ale do̠ noa reak̕le goṭaea. Hola calaoen so̠mbar ( 23 August) mo̠ntripo̠riso̠dhak̕ bạisire hõ sikhnạt ṭhãona jhic̕ reak̕ galmarao hoeakana me̠nte̠ye̠ baḍae ocoakana mo̠ntripo̠riso̠dh so̠cib Khondokar Anwarul Islam. Uni do̠ arhõ̠e me̠nke̠da, sikhnạt ṭhãonako usạrate jhic̕ lạgit sikha mo̠ntro̠nalo̠yko kạmiyeda, cekate ạḍi usạrate jhic̕ hoyok̕a ona reak̕ jo̠to̠ goṭa baṛakate press conferencereko lại so̠do̠ra. Ko̠ro̠na virus japṛao karonte calaoen bo̠cho̠r reak̕ 17 march kho̠̠n disạm reak̕ jo̠to̠ sikhnạt thãonako bond menak̕a. Ar mucạt reak̕ dhạrwạk̕ lekate daraekan 31 August hạbic̕ noa chuṭi do̠ calak̕a. Nit hạbic̕te goṭa disạmren mahasoeko ar pạṭhuạ gidrạko mod kho̠n sikhnạt thãona jhic̕ reak̕ katha rakap̕akana, biseskaete college ar university jhic̕ reak̕ katha do̠ ạḍi jạsti rakap̕akana. Noa halo̠trege calaoen 18 august hoeyen socib sabhare Prime Minister Sheikh Hasina ạḍi usạra sikhnạt thãonako jhic̕ reak̕ hukume e̠makada.

Comments are closed.