Nit̕ok̕ Registration Chaḍa Jãhãege Ṭikạ Bako E̠makoa,: Sasthomontri

Noresh Hasdak

Covid registration
Sasthomontri Zaheed Maleke me̠nakada, nitok̕ do̠ ar jãhãege ṭikạ e̠mok̕ reak̕ kạmi do̠ baṅ e̠ho̠bok̕a, jo̠to̠koge registration katege ṭikạ hatao hoyok̕a. Teheń sombar montriporisodhak̕ galmarao mucạtre noako kathae baḍaeocoakana. Uni do̠e me̠nkeda, daraekan September cando modrege  fijar reak̕ 60 lakh ṭikạ disạmre hijuk̕a. Tinre ṭikạ hijuk̕a, unrege registration lekate ṭikạko e̠mogok̕a.
 Montri do̠ arhõ̠e me̠nkeda, gõ̠ṛõ̠ lekate thoṛa gan ṭikạ ńamok̕kana. Prime minister me̠nkatek̕ ona reak̕ jo̠to̠ge ale do̠le hataoakada. Onare me̠nak̕a shinopharm reak̕ 3 koṭi, shinovac reak̕ 7.5 koṭi. jo̠to̠te 10.5 koṭi ṭikạle kirińeda.  World Health Organisation 6.80 lakh ṭikạ be̠go̠r paesategeye e̠mo̠k̕kana. Ona reak̕ kạmi hõ̠ calak̕kana. Ar noako modre fijar reak̕ ṭikạ hõ̠ bẽ̠gõ̠r paesatege ńamok̕a. Vaccine kiriń lạgit oka lekale kạmiet̕ ar WHO ce̠t̕ lekae ekṛaṛakat̕ ona lekate ńe̠lok̕kana jo̠di jo̠to̠ ho̠ṛ akoak̕ kathako do̠ho̠ lekhan Bangladisamre vaccine reak̕ obhab do̠ baṅ hoyok̕a. Uni do̠e me̠ne̠da, ale do̠ 16 koṭi vaccinele ńamlekhan 8 koṭi ho̠ṛle e̠m daṛewakoa. Ar noa ṭikạko̠ do̠ Decemberrege hijuk̕ reak̕ katha menak̕a.  Be̠go̠r paesate covax reak̕ thoṛa ṭikạ hõ̠ ńamok̕a. Asok̕ kanale 16 koṭi kho̠n hõ ṭikạ do̠ dherok̕a ar daraekan January-February’ 2022 cando modrege 7-8 koṭi  ho̠ṛ ṭikạle e̠m daṛewakoa.

Comments are closed.