Afganisthanren Ho̠ṛko Ṭhạ̃i E̠mako Lạgit̕ USA Reak̕ Nẽ̠hõ̠re Baṅkedae Bangladisạm

Afganisthanren thoṛa ho̠ṛko Bangladisạmre ṭhạ̃i e̠mako lạgi̕t USA disạme nẽ̠hõ̠rleda. Me̠nkhan onkoak̕ nẽ̠hõ̠r Bangladisạm sorkare baṅkeda. Hola calaoen sombar ( 16 August) ńindạ se̠c̕ po̠ro̠rasṭro̠ montri Dr. A K Abdul Momen sambadikko noa kathae lạiat̕koa. Dr. A K Abdul Momene baḍae ocokeda, USA disạm se̠c̕ kho̠n Afghanistanren thoṛa ho̠ṛko ṭhạ̃i e̠mo̠k̕ reak̕ mit̕ṭe̠n nẽ̠hõ̠r Bangladisạmre he̠c̕lena, me̠nkhan ale do̠ onkoak̕ ona nẽ̠hõ̠r ạḍi gạhir mo̠ntele baṅakada. Uni do̠ arhõ̠e me̠nkeda, USA disạm do̠ Bangladisạmren gate disạm kanae. Onko do̠ noa lạgit̕ko nẽ̠hõ̠rlet̕re ale do̠ ạḍi gạhir mo̠ntele metat̕koa, 11 lakh rohinga ṭhạ̃i e̠mkatek̕ ale nit hạbic̕te ạḍi muskilrele paṛaoakana. Nitok̕ arhõ nãwãte jãhãe ṭhạ̃i e̠mkate mukilre paṛaok̕ bale me̠ne̠da. Noa nẽ̠hõ̠r do̠ USAre Bangladisạmren rasṭrodut ṭhe̠n pạhil doko kolleda, ado Tayom daramte ona do̠ Dhakateko kolkeda. Montri do̠ arhõ̠e me̠nkeda, Bangladisạm do̠ jo̠to̠ disạm tuluc̕ge gateye tahẽna, ar Afganisthan hõ̠ aboren gate disạm kanae ar SAARCren member kanae. Ado ale hõ Afghanistan reak̕ vạlại ge̠le̠ khojok̕kana.

Comments are closed.