Aphganisthanre Taleban ar goṭa jạtiạri rajniti

Hola ńindạ Aphganisthanre ạḍi lạṭu disạm cak̕laoren raje bo̠do̠l hec̕akana. Asraph Gani sorkar laga kate disạm reak̕ calao banao bhar do̠ Talebanko hataokeda. USA ar Naṭo̠ miliṭari bahini Aphganisthan kho̠n ruạṛ he̠c̕ tayomge Taleban do̠ thoṛa dinrege noṅkan movementko ạguia noa do̠ okoege bako hudiskat̕ tahe̠na.Taleban Aphganistan do̠kho̠l são sãoge aema ho̠ṛ Aphganistan kho̠n bah̕re disạmte calak̕ko kurumuṭuwakada. Biman Bo̠ndo̠rkore hajar hajar ho̠ṛak̕ bhiṛ. Nunak̕ ho̠ṛ cedak̕ unạk̕ bo̠to̠rko aṭkareda ona do̠ Taleban sason reak̕ dinko ńe̠l lekhaege bujhạuka. Taleban saso̠n reak̕ ạnko –

  • Kuṛi gidrạ iskul collegere bako calao daṛeaka
  • oṛak kho̠n bah̕rete kuṛi ar maejuko bako se̠n daṛewak̕a
  • ghãrõ̠ńjren ho̠ṛ chaḍa eṭak̕ ho̠ṛ samaṅre ho̠ṛmo̠ reak̕ kạṭic̕ culuń hõ̠ khulạ baṅ tahe̠n.
  • Ruạ enamkore do̠cṭo̠rko the̠n maejuko bako calao daṛewaka.

Ado̠ nitok̕ do̠ onako ạnge arhõko jạri do̠ṛhaea se̠ ce̠t̕ko cekaea onage ńe̠lho̠r reak biso̠e.

Goṭa dhạrtire tinạk̕  jo̠ṅgi kamiko hoeakan onare taleban so̠ṅgete menakkoa. Onate nitok̕ taleban kho̠mo̠tareko he̠c̕kante dhạrtire arhõ so̠ntrasbad dherok̕a me̠nte sanamkoge ạḍi cintạre me̠nak̕koa.

Daraekan dinkore Goṭa jạtiạri poliṭiks ar Geo-Politicsre ạḍi lạṭu bo̠do̠lao hijuk reak̕ sombhabona me̠nak̕a. Jạtiạri rukhiạ be̠bosthare arhõ kajakte monitoring reak̕ ade̠s aema disamrege jạriwakana.

Comments are closed.