19 August Kho̠n Jo̠to̠ Lekan Gạḍi Maṭo̠rko Calak̕a.

Noresh Hasdak

Daraekan 19 August kho̠n jo̠to̠ gạḍi, maṭo̠r ar dak̕ jãhãjko calak̕a. Daharre adhek gạḍi maṭo̠r calak̕ reak̕ je niạmko me̠nle̠t̕, ona do̠ bạtilena. Ona khạtir nitok̕ do̠ ar gạḍi maṭo̠r calak̕ reak̕  jahan mana do̠ bạnuk̕a  . Teheń lukhibar (12 August) setak̕ be̠la montriporisodh kho̠n noṅkan mit̕ṭe̠n ardasko e̠makada. Ona ardasre menakana, 19 August kho̠n tayomte jahan dhạrwạk̕ ạuri e̠mo̠k̕ hạbic̕ sasthobidhi manao kate dahar, rail line ar dak̕ cetante jo̠to̠ lekan gạḍiko calao daṛeak̕a. Noa chaḍa hõ̠, daṛan jaega, rạskạwan jaega, community centerkore tinạk̕ duṛup̕ jaega menak̕ ona reak̕ 50% be̠ohar kateko jhic̕ daṛewak̕a. Ado̠ ona lạgit̕ mask ho̠ro̠k̕ ar sasthobidhi manao lagak̕a. Ado̠ jahan protisṭhanko noa bako manao lekhan, ạn lekate onko birudh bebostha hataok̕a.

Comments are closed.