Gapa Kho̠n Gạḍi Maṭo̠r Calak̕a, Teṅgo Kate Ho̠ṛko Bako Idi Daṛeakoa.

Lockdown tayom arhõ gapa kho̠n gạḍi maṭorko aṛaga. Tinạk̕ duṛup̕ jaega menak̕a ona kho̠n jạsti ho̠ṛ bako de̠c̕ oco daṛeakoa menteye BRTA lạiakada . Ona são sãote daharre adhek̕ gạḍi maṭo̠r calak̕ reak̕ do̠ local administrationren ho̠ṛko ńe̠l oroma. Hola calaoen so̠mbar ( 9 August) ńindạ BRTAren cak̕laoic̕ Engineer Shitansu Shekhor Biswasak̕ soiakat̕ mit̕ṭe̠n ardasre noa katha baḍaeok̕kana. Noa ardasre gạḍi maṭo̠r calak̕ reak̕ jo̠to̠ lekan hukumko o̠l menak̕a. Ona hukumko̠ do̠ hoyok̕kana: Duṛup̕ jaega kho̠n dher ho̠ṛ bako ladekoa ar teṅgo kate ho̠ṛ bako gạḍire bako de̠c̕ daṛeakoa. Dahar kore adhek gạḍi maṭor calak̕ reak̕ do̠ local administrationren ho̠ṛko ńela. Lahatenak̕ bhaṛatege gạḍi maṭor calak̕a ( 60% jạsti bhaṛa do̠ baṅ tahẽna) Gạḍi maṭo̠rren dejok̕ ho̠ṛ, gạḍi driver, helper, Supervisor, contactor, ticket ạkhrińko jo̠to̠ ho̠ṛ mask ho̠ro̠k̕ lagaoakoa ar ti ạrup̕ lạgit hand sanitizer do̠ho̠e lagak̕a. Gạḍi aṛag lahare ar mucạt̕re tejo gujuk̕ rante gạḍi maṭo̠r ạrup̕ saphae lagak̕a . Ar dejok̕ ho̠ṛkoak̕ hõ̠ beg ar emanteak̕ jinisko tejo gujuk̕ rante spray lagak̕a. Gạḍi maṭo̠rre sasthobidhi manao lagak̕a, ar baṅkhan bako manao ho̠ṛ birud ạn lekate be̠bostha hataok̕a. Tayom daramte jahan ardas ạuri e̠mo̠k̕ hạbic̕ noako niạm do̠ jiạṛ tahẽna.

Comments are closed.