Go̠ṭa Jạtiari Ạdibạsi Mãhã ar abo Santal

Tehẽń do̠ go̠ṭa jạtiạri ạdibạsi mãhã lekate  UN  go̠ṭaokať kho̠n 9 August Dhạrti reak̕ aema disạmrege ko manao ạguida. Noa dhạrti reak̕ prai 90ṭi disạmre 476 million ạdibạsi ho̠ṛ menak̕bona me̠nte UN reak̕ statistics data kho̠n baḍae ńamok̕kana. Ar abo ạdibạsi do̠ jo̠to̠ ho̠ṛak̕ge judạ judạ ạricạli menak̕takorẽ hõ̠ saman ạdibạsige dhạrti reak̕ bir gajaṛ , buru nala, dare sakam, coṭre jolok̕ ipil ar cando tuluc̕ dulạṛ sạgai menak̕tabona. Bangladisạm so̠rkarak̕ lekha aṅgocte 50ṭi ạdibạsi jạti Bangladisamre menak̕koa. Disam reak̕ so̠ṅbidhanre ạḍibạsi lekate oprom banuk̕re hõ̠ noko ạdibạsi do̠ ạdibạsi me̠nte oporom e̠mo̠k̕ge jạstiko kusiak̕a. So̠rkari aema sujo̠g subidhage nit hõ̠ ạdibạsi atore baṅ se̠ṭe̠rkana.  Nit hõ̠ jạsti ạdibạsi atorege mõ̠ńj dahar, bijli bạti, bhage iskul, toilet, sapha dak̕ reak̕ anaṭ ạḍi algatege ńe̠lo̠go̠k̕kana.

Abo Santal ho̠ṛko hõ̠ raj so̠ṛo̠kte calak̕kana e̠ṭak̕ e̠ṭak̕ jạtko kho̠n ạḍi saṅgińrege menak̕bona. 2010 salre jạtiạri sikhnạt nitimalare so̠rkare me̠nlet̕re hõ̠ go̠go̠ pạrsite nit hõ̠ Santal gidạr pidạrko bako paṛhao daṛeak̕kana. Aema Santal atorege sapha ńue dak̕ lagit̕ anaṭ menak̕a.

So̠rkaṛi aema lekan sujog subidhage aboko talare baṅ he̠c̕ se̠ṭe̠ro̠k̕kana. SDGre sanam ho̠ṛ mit̕ sãote lahantik̕ reak̕ katha menak̕re hõ aboak̕ lahanti se̠c̕ ạḍi jạsti kạmi do̠ baṅge ńe̠lo̠go̠k̕kana. Bicko̠m ho̠ṛ ho̠po̠nkoak̕ jaega jumi aema lekan karonte bại bạite ado̠go̠k̕kana.

Noa covid okte̠re ho̠ṛ ho̠po̠nko lạgit̕ judate jahan bakhra se̠ cintạ bhabna sorkarren cacalaoic̕kore baṅ ńe̠lo̠go̠k̕kana. Apnar jạt reak̕ bhạlại lagit̕ do̠ aboge kurumuṭui lagaobona. Ar baṅkhan abo hõ̠ ạḍi jạsti din do̠ abokoren hapṛamkoak̕ jaega jumi babon rukhiạ daṛewak̕a. Somajre aboak̕ man sap̕ do̠ho̠e lạgit̕ sanamkoak̕ e̠bhe̠no̠k̕ ạḍige jạruṛro̠k̕kana.

Comments are closed.