Nitoḱ do̠ T-20re hõ̠ Australiako haraoket́koa Bangladesh- One Day, Test tayom T-20 re.

Nicolash Kisku

Pạhil do̠ One day. Inạ tayom test. Ar mucạt́re do̠ T-20. Pe̠ lekanaḱ Cricket khilạḍrege Australia haraoko reaḱ sebelko ńamkeda Bangladiso̠m Cricket team.

Inạ lahare do 4 khilạḍrege Bangladisạm doko haraolena Australia ṭhe̠n, onako jo̠to̠ khiloḍge T-20 Bissho cup re hoelena. Teheń do̠ pạhil beṭińre 131 ran kate jitạu reak̕ as do̠ko̠ muskil lena Bangladisạm. Noa khilạḍre ko jitạu lenkhan bo̠do̠l hoyoḱa itihas, ce̠daḱ je nunạḱ tho̠ṛa rante do̠ tis hõ̠ Bangladisạm do̠ baṅko jitạuakana.

Australia innings reaḱ pạhil bo̠lrege  Mehedi Hasanak̕ wickeṭ ńam kateḱ sanamaḱge bo̠do̠lena. Inạ tayom ar Austroliaren beṭmenko ar bako teńgo ocoaḱkoa Bangladisomren bolarko. Pạhil 3 overrege Australia do̠ 3 wicketko ńurentakoa. Mehedi Hasan tayom Sakib ar Nasum hõ̠ ạkinaḱ pahil ovarrege wicketkin hataokeda.

Australia team reaḱ do̠ batińre eṭketoṛe tahelena ar okaṭaḱ sare̠ć baṭiń daṛe tahekantako ona hõ̠ Bangladisom reaḱ spin ṭhe̠nko kạbuena . Nasum Ahmed 4 overre 19 rante 4 wickete hatao keda. Barea kate wicketkin hataokeda Moatafiz  ar Soriful. Mit̕ṭe̠n kate wicketkin hatao keda Sakib ar Mehedi.

Innings reaḱ mucạt́ bollre Mostafiz do̠ Michel Starcke boldkedea. Ado̠ inạkhan, Australiawaḱ innings doz 108 ranrege mucat́entakoa. 23 rante jitạu kate Bangladisom do̠ 5-me̠ć khiloḍre 1-0 teko lahayena.

Comments are closed.