18 Bo̠cho̠r Umạr Hoelenkhange Ṭikạ Ńamo̠k̕a.

Noresh Hasdak

Disạmre ko̠ro̠na virus reak̕ japṛao dherok̕kana ar noa ko̠ro̠na virus kho̠n rukhiạ ńam lạgit̕ ṭikạ hatao reak̕ umạr bại bạiteye ko̠mao idiyeda so̠rkar. Daraekan 8 August kho̠n umạr 18 hoelenkhan ṭikạ hataok̕a. Calaoen lukhibar ṭikạ hatao reak̕ umạr 25 bo̠cho̠̠rko do̠ho̠wakada. Ona hisạbte ṭikạ lạgit̕ registration hõ̠ e̠ho̠p̕akana. Suro̠kkha website ar app ho̠te̠te registration hoyok̕kana. Noa lahare prime ministerak̕̕ hukum lekate Health and Family Welfare Minister sambadikkoe lạiat̕ko tahena, ạḍi usạrage 18 Bo̠cho̠r umạr cetan jo̠to̠ ho̠ṛko ṭikạ e̠mo̠k̕ hoyok̕a. Ona ṭikạ hatao lạgit̕ ato̠kore do̠ surokkha app chada hõ e̠ke̠n national ID card ṭikạ kendro̠re idilekhange hoyok̕a. Sastho montronaloy kho̠n baḍaeok̕kana, ne̠s calak̕kan bo̠cho̠r 27 January kho̠n 55 bo̠cho̠r cetan jo̠to̠ ho̠ṛ ṭikạ e̠mo̠k̕ kạmi e̠ho̠p̕lena. Tayom daramte umạr komao katek̕ 40 bo̠cho̠rre ạgu hoeyena. Calak̕kan cando̠ reak̕ e̠ho̠p̕ se̠c̕re umạr do̠ arhõ̠ ko̠mao kate 35 bo̠cho̠rre phed hoeyena, ona tayo̠m 30 bo̠cho̠rre. Ar 29 julyre ona do̠ arhõ phedkatek̕ 25 bo̠cho̠rre ạgu hoeyena. Ar 8 August kho̠n do̠  umạr 18 Bo̠cho̠r hoelenkhange ko̠ro̠na ṭikạko hatao daṛeyak̕a.

Comments are closed.