Sikhnạt ṭhaonako renak̕ chuṭi arhõ mit̕ cando dherena

Noresh Hasdak

Disạm reak̕ secondary ar higher secondaryko renak̕ jo̠to̠ sikhnạt ṭhaona, Ibtedayi ar koomi madrasako renak̕ calak̕kan chuṭi daraekan 31 August hạbic̕ dher hoeyena. Noa lahatenak̕ dhạrwạk̕ lekate 31 July hạbic̕ chuṭi tahẽkana. Hola calaoen lukhibar ( 29 july) ńinda 11 baje se̠c̕  sikhnạt montronaloy reak̕ sombad biggoptire me̠nakana, goṭa disạm reak̕ ko̠ro̠na halot arhõ muskil se̠c̕ calak̕kan iạte ar ko̠ṭho̠r lockdown menak̕ karonte, pạṭhuạ gidrạko, mahasoiko ar sikhnạt sãote japṛao menak̕ko sanamkoak̕ bhạlại lạgit̕ Covid-19ren national committee tuluc̕ galmarao kate noa chuṭi do̠ dher hoeakana. Badaejoṅ jaṛuṛa je, calaoen serma reak̕ march cando 17 tạrik kho̠n disạm reak̕ jo̠to̠ sikhnạt ṭhaonako renak̕ chuṭi hoelena, Me̠nkhan ko̠ro̠na virus reak̕ japṛao dherok̕kana iạte ar pạṭhuạ gidrạkoak̕ bhạlại lạgit̕ aema dhao sikhnạt thãonako renak̕ chuṭi dher hoeyena. Mucạt̕re 31 July,2021 hạbic̕ chuṭi tahẽkana.

Comments are closed.