Niạbar hõ SSC ar HSC Reak̕ Result Ńelte National University re Bhurti Hoyok̕a.

Noresh Hasdak

National University re se̠le̠t̕ menak̕ college kore SSC ar HSC reak̕ result ńelte 2020-2021 sikhnạt sermare honors pạhil sermare bhurti hatao hoyok̕a. Niạbar do̠ bhurtik̕ lạgit̕ jahan bidạo do̠ baṅ hoyok̕a. Bhurti reak̕ application ehobok̕a 28 july. Ar noa do̠ online tege daraekan 14 August hạbic̕ calak̕a. Hola calaoen sạnicar (24 July) National University do̠ 2020-2021 sikhnạt serma reak̕ bhurti ardase sodorakada. Ar noa são sãote bhurti reak̕ niạm kõhõe sodorakada. Noa ardas khon badaeok̕kana, 28 July ạyup̕ bela 4 baje khon honors pạhil serma reak̕ bhurti application ehobok̕a, ar daraekan 14 August ńinda 12 baje hạbic̕ mucạt okte do̠ tãhẽna. Okoyko bhurtik̕ko men baṛayeda onko̠do̠ National University reak̕ website re bolo katek̕ form koko puruna ar daraekan 16 August mudre pạhil dhao reak̕ application gonong 250 taka mobile banking teko jomaya. Bhurti reak̕ jo̠to̠ kạmiko caba baṛakatek̕, daraekan 15 September khon online re ehobok̕a honors pạhil serma reak̕ kilạs.
Ar ho napaete baḍae lạgit̕ noa link re bo̠lo̠k̕pe

Comments are closed.