Ko̠ro̠na Reak̕ Japṛao Mudrege Bijli Marsalate Eho̠p̕ena Olympic Gate.

Noresh Hasdak

Go̠ṭa dhạrti ko̠ro̠na virus reak̕ japṛaote jạbunakana, ar  dinạmge rak̕ ho̠mo̠rate aema ho̠ṛgebon at̕et̕koa. Jo̠to̠ hoṛkoge ko̠ro̠na virus japṛao bo̠to̠rteko laṅga cabawakana. Nonkan okterege Japan disạm reak̕ rajdhạni nagraha Tokyore ehop̕ena ” Greatest show on Earth” Olympic gate. Hola calaoen sukulbar bilji marsalate ńeńel ho̠ṛko chaḍage ehop̕ena Olympic gate. Ńeńel ho̠ṛko̠ bako tãhẽkanrehõ , selet̕ lenako mit̕ bar disạmkoren mukhiạko. Maraṅ peṛa hisạbteye tãhẽkana Japan disạmren mukhiạ Naruhito, Arhõ peṛa hisạbteko tãhẽkana,  France disạmren president Emmanuel Macron ar US first lady  Jill Biden. Ona onusṭhanre arhõe tãhẽkana, Bangladisạmren Novel puruskar ńamic̕ Dr. Mohammad Yunus. Kenya disạmren Kip Keynor tayom dosar ho̠ṛ hisạbte Olympic laurel award e ńamkeda 81 umạrren nũi novel ńamic̕ . Mit̕sec̕ do̠ calak̕kana Olympic ehop̕ reak̕ onusṭhan, ar mit̕sec̕ do̠ Olympic birudren ho̠ṛkoak̕ kạwạrạwạ. Menkhan okoy ańjoma okoyak̕ katha. Ho̠ṛkoak̕ noako̠ katha baṅ luturkatek̕ daraekan 15 din hạbic̕ dhạrtiren ho̠ṛkoy rạskạ ocokoa noa Olympic. Football ar ak̕ sar tũń do̠ ehop̕akana. 11000 hajar leka athleticsko seledok̕kana noa gatere. Ar lạṭu botor reak̕ Katha do̠ hoyok̕kana, korona viruse ńir sorakana noa gate elạkare ar ho̠ṛkoreye japaṛok̕kana. Nit hạbic̕te 106 ho̠ṛkoe japaṛakawat̕koa, ar eṭak̕ ko̠do̠ virus reak̕ nạmuna ńelńamok̕katakoa onate jirạure menak̕koa.

Comments are closed.