Sikhnạt Ṭhãonako Renak̕ Chuti Arhõ Mit̕ Cando Ḍherena.

Noresh Hasdak

Ko̠ro̠na virus japṛao ḍherok̕kan iạte secondary ar higher secondary  sikhnạt ṭhãona reak̕ calak̕kan chuṭi daraekan 30 July hạbic̕ ḍher idiyena. Teheń mo̠ṅgo̠lbar (29 June)  tikin o̠kte̠ sikkha mo̠ntro̠nalo̠yren jo̠no̠so̠njo̠g ko̠rmo̠ko̠rta M. A. Khayer noako kathae lại so̠do̠rakada. Sikha mo̠ntro̠nalo̠y reak̕ noa orderre meznakana, goṭa disạm Ko̠ro̠na virus reak̕ japṛao ḍherok̕kana ar ko̠tho̠r lockdown calak̕kan iạte, Olok̕-Paṛhao giḍrạ, masterko, kạmiạko ar gogo-babako noa ruạ kho̠n mõ̠ńj ar napae do̠ho̠ko reak̕ Katha cintạ kate ar covid-19ren disạm komiṭi sãote galmaṛao kate disạm reak̕ secondary ar higher secondary sikhnạt thãona ar madrasako reak̕ calak̕kan chuṭi daraekan 30 July hạbic̕ ḍher hoyena.
Badaejoṅ jạṛuṛa, ko̠ro̠na virus pạhil abo disạmre sap̕ ńamlena calaoen serma reak̕ 8 march’2020. Ona iạte noa virus daparam lạgit̕ un o̠kte̠re 17 march kho̠n  disạm reak̕ jo̠to̠ sikhnạt thãona bond reak̕e ḍhạrwạk̕akada disạmren sorkar. Ona tayomte mit̕ tala chuṭiko ḍher idiyeda .

Comments are closed.