University Bhurti Biḍạu 2020-21 Session

Edward Murmu

Ko̠ro̠na karonte disạm reak̕ jo̠to̠ public university  2020-21 session reak̕ bhurti biḍạu do̠ baṅ hoeakana. E̠ṭak̕ bo̠cho̠r kho̠n mõ̠ṛẽ̠ kh̠on turui cando tayomakana cedak̕ je, Baṅgla disạmre COVID reak̕ do̠sar dhẹu eho̠p̕akana. O̠na lạgit̕te arhõ̠ do̠srate jo̠to̠ universityko bhuti bidạu reak̕ko tạrikakada.
Tho̠ṛa din lahage Dhaka University, BUET , Rajshahi University so̠ho̠ jạsti bhag universityge mare bhurti biḍạu reak̕ tạrik batilkate dosrate nãwã tarikko gho̠so̠nawakada.
Baḍaeok̕kana je, 2020 sal reak̕ HSC bidạure go̠ta disamre 13 lak 65 hajar 789 jo̠nko̠ pasakada ar 2019 salre do̠ 9 lakh 88 hajar 172 jo̠n. No̠ko̠ pạṭhuạ koṛa-kuṛi modre jạstikoge bhurti biḍạureko se̠le̠dok̕a.
Baṅgla disạmre nitok̕ 50 go̠te̠n public university menak̕a ar onako modre 46 go̠ṭe̠n universityre paṛhao so̠ho̠ arhõ̠ jo̠to̠ academic ka̠mi cạlu menak̕a.
Ar onako universityre tis bhurti biḍạu  hoyok̕a ona latare e̠m hoyena.
DHAKA UNIVERSITY 
Disạm reak̕ jo̠to̠ kho̠n mare university do̠ noa kana. 2020-21 sessionre noa universityre honours  bhurtik̕ lạgiṭ̕te biḍạu hoyok̕ reak̕ katha tahekana 21 May kho̠n 5 June hạbic̕ , me̠nkhan COVID reak̕ do̠sar dhẹu karonte no̠a tarik do̠ batilena ar nãwã tạrik hisạbte 31 July kho̠n 14 August tarhaoena.
Nãwã tarik̕ lekate 31July do̠ CO unit , 6 August KA unit, 7 August KHA unit, 13 August GO unit ar 14 August GHA unit reak̕ biḍạu hoyok̕a. Ar CO unit reak̕ art practical exam reak̕ tạrik do̠ tayom daramte university kho̠nko lại so̠do̠ra.
RAJSHAHI UNIVERSITY
Noṇḍe̠nak̕ 2020-21 session reak̕ bhurti biḍạu do̠ 14-16 June tahekana. Me̠nkhan, COVID-19 karonte ona tạrik do̠ bạtil hoyena ar nãwãte 16 August C unit, 17 August A unit ar 18 August B unit reak̕ biḍạu hoyok̕a. Dinạmge pe̠ shiftre bidạu hoyok̕a, se̠tak̕ 9 baje̠ kho̠n 10 baje̠ hạbic̕ do̠ pạhil shift, tikin 12 baje̠ khon 1 baje̠ hạbic̕ do̠ dosaṛ shift ar bikạl 3 baje̠ kho̠n 4 baje̠ hạbic̕ do̠ te̠sar shift.
 
CHITTAGONG UNIVERSITY 
Daraekan 20 August khon 27 August hạbic̕ Chittagong University reak̕ 2020-21 session reak̕ bhurti biḍạu hoyok̕a.
20 UNIVERSITY: UCCHO PODHOTITE BIDẠU
Disạm reak̕ 20 go̠ṭe̠n university (sadhan ar science and technology) do̠ 2020-21 sessionre pạhil dhao  mit̕ so̠ṅge̠te biḍạu hatao reak̕ko goṭawakada. Daraekan 19 June kho̠n 3 July hạbic̕ biḍạu hoyok̕ reak̕ katha tahekana. Me̠nkhan, COVID-19 karonte noa tạrik do̠ tayomok̕a me̠nte gho̠so̠na he̠c̠̕akana. Ar ona tayomte nãwã tạrik̕ do̠ baḍae ńamok̕a. 
 
BUET
Bangladesh University of Engineering and Technology(BUET) reak̕ prak-nirbaconi biḍạu do̠ daraekan 30 June ar 1 July hoyok̕a ar final bidạu do̠ 10 July hoyok̕a. 
 
RUET-CUET-KUET
Pạhil dhao leka Rajshahi Uiversity of University of Engineering and Technology(RUET), Chittagong University of Engineering and Technology(CUET) ar Khulna University of Engineering and Technology (KUET) 2020-21 session re guccho podhotite bidạu hoe o̠co̠e reak̕ko goṭawakada. 12 August noa pe̠a university reak̕ biḍạu do̠ hoyok̕a.
BUTEX 
Bangladesh University of Textile reak̕ 2020-21 bhurti biḍạu do̠ 20 August hoyok̕a.
AGRICULTURE UNIVERSITY
Disamre menak̕ 8 go̠ṭe̠n Agriculture Universityko do̠ 2020-21 session reak̕ bhurti biḍạu 31 July 11 baje̠ kho̠n 12 baje̠ hạbic̕ hoe ocoe reak̕ko gho̠so̠nawakada.
Ar e̠ṭak̕ universityko do̠ nit hõ̠ bhurti biḍạu reak̕ tạrik̕ do̠ bako goṭawak̕ate bako lại so̠do̠ṛakada. 

Comments are closed.