Kajak̕ Jhukipurno Disạm Reak̕ Tạlikare Bangladisạm- CDC

Noresh Hasdak

Photo credit

 

Korona virus japṛao se̠c̕ kho̠n ạḍi jạsti jhukipurno disạm reak̕ tạlikareye do̠ho̠akadea Center’s for Disease Control and Prevention (CDC)
 Baṅgla disạm são sãote arhõ̠ 61 disạm noa tạlikare do̠ho̠kate korona ruạ calak̕ ok̕te noako disạm dãṛã baṛae baṅ calak̕ lạgit̕ko menakawatkoa USAren ho̠ṛko.
Jodi noako disạm daṛan calak̕ jạṛur khan ṭikạ hatao baṛakatege jemonko calak̕.
Calaoen bo̠cho̠r korona virus he̠c̕katek̕ dhạrti reak̕ aema disạmge e̠ṭak̕ disạm calak̕ hijuk̕ko bond leda. Bại bạite okako disạm reak̕ o̠bo̠stha mo̠jo̠k̕kan onako disạm daṛan reak̕ dahar koko jhic̕e̠da.
Ne̠be̠tar CDC dhạrti reak̕ aema disạmko reak̕ poristhiti ńe̠lkate ho̠ṛko disạm daṛan reak̕ko metawakokana. CDC do̠ 4 bhagre disạmkoe haṭińakada. Poristhiti ạḍi jạsti bạṛica̕k disạmko̠ do̠ ạḍi jạsti jhukipurno disạm, dosarak̕ko do̠ jạsti jhukipurno, tesarak̕ko do̠ moṭamoṭi jhukipurno, ar mucạtak̕ko do̠ nase jhukipurno. Baṅgla disạm do̠ noako mudre kharap obostha reak̕ disạm tạlikare menaka. Bangla disạm são sãote CDC reak̕ ạḍi jạsti jhukipurno disạm reak̕ tạlikare me̠naka dạkhin Asia reak̕ disạm India, Pakistan, Nepal, Shrilanka, Maldives ar Myanmar. Ạḍi jạsti jhukipurno Asia reak̕ eṭak̕ disạmko do̠ hoyok̕kana Bahrain, Iraq, kuet, Mongolia, North Korea, Saudi Arab, Syria Uzbekistan ar Yemen.
CDC reak̕ tạlikare Bhutan do̠ motamoti jhukipurno disạm reak̕ tạlikare me̠naka. France ar UK do̠ ạḍii jạsti jhukipurno disạm reak̕ tạlikare menaka.

Comments are closed.