Pạchim Baṅla bidhan sabha nãwã kabineṭre pe̠a Santal maejiu ṭhạ̃iko ńamkeda

Bharo̠t disạm reak̕ bho̠ṭ ạri do̠ joṛao (Federal) ạri leka. Ar Central ar Statere judạ judạ ạn sabha menak̕a. Central reak̕ ạn sabha do̠ko metak̕kana Parliament. Bharo̠t disạm reak̕ parlament bar orạk̕ lekanak̕a. Mit̕ do̠ko metak̕kana Lok Sabha (Central) ar ar mit̕ṭe̠n do̠ Rajjya Sabha (State).

Ar Calaoen May 2, 2021 tạrik Pạchim Baṅla (West Bengal state) bidhan sabha reak̕ bar sae are̠ ge̠l pon (294) rajạri ṭhạ̃iko reak̕ bachanao so̠do̠rena. Noa, bhoṭre bar sae ge̠l pe (213) rajạri ṭhạ̃i ńamkateye jitạuena AITMC (All India Trinumul Congress) do̠l. Ar eae ge̠l eae rajạri ṭhạ̃ire jitạukateko dosarena BJP (Bharạtiạ Janta Party).

Teheń 10 tạrikh jitạuan sarkark̕ nãwã kabineṭ taṛhaoena. Ar niạ bidhan sabha kabineṭren maraṅ ayric̕ hisạbtey bahalena AITMC aso̠l mukhiạ Mamata Banerjee. Ona chaḍa uniak̕ kabineṭre 43 go̠ṭen kabineṭ muntri ar são muntriey (Cabinet Minsiter and Minsiter of state) bahalenako.
Ar niạ kabienṭre pea santal maejiu ṭhạ̃iko ńamkeda State of Minsiter hisạbte.

Sandha Rani Ṭuḍu (MLA), nue do̠ pạchim po̠no̠t reak̕ lahanti kạmiko reak̕ dạyike ńamkada ar Minister of state (Sadhin) hõ̠e hoeakana. Uni do̠ puruliạ jilạ reak̕ Manbajar (ST) rajạri ṭhạ̃i kho̠n 2011 sermae jitạulena. 2016 serma arhõ̠ jitạu tayo̠m Minister of State hoelna. Noa dhao uni 15,940 bhoṭ jạsti ńam katey jitạuakana.

Jyotsna Manḍi (MLA), Bankura reak̕ Rạni Bandh (ST) rajạri ṭhạ̃i kho̠n 2016 sermare CPMren Deblina Hembro̠m hirạu katey jitạu kate MLA hoelena. Nãhãk̕ serma hõ̠ uni do̠e jitạuakana. Ar uni do̠ Mn. Mamata Banerjeeak̕ kabinet Jo̠m ar posar daptor reak̕ Minister of state hisạbety bahalakana. Nue do̠ 3,939 bhoṭ jạsti ńam katey jitạuakana.

Jhargram kho̠n pạhilge jitạuakana Santal heroine Birbaha Hãsdak̕ (MLA),. Unire se̠n lahaen ac̕ baba ar go̠go̠ bana hoṛge Jharkhanḍ Partyren MLAkin tahẽ̠lena. Uni do̠ bir reak̕ State of minister hisạbtey dạyike ńamkada. Nue do̠ Jhargram General rajạri ṭhạ̃i kho̠n 37, 996 bhoṭ jạsti ńam katey jitạuakana.

Noko pe̠a State of minister barhe arhõ̠ ge̠l pe̠ ho̠ṛko jitạuakana pạchim baṅla reak̕ aema rajạri ilạka kho̠n. Pạchim Baṅlare ge̠l mõ̠ṛẽ̠ (15) go̠ṭe̠n rạjạri ṭhạ̃i do̠ ạdibạsi lạgit̕ reserve (ST-Scedule Tribe) menak̕a. Jãhãe santalko jitạuakana, Budrae Ṭuḍu (BJPren MLA), dạkhin dinạjpur reak̕ tạpon rạjạri ṭhạ̃i khon.


Mn. Joel Murmu (BJPren MLA), Malda jilạ reak̕ Hạbib pur rạjạri (ST) ṭhạ̃i kho̠n.

Mn.Komola kanta Hãsadak̕ (BJPren MLA), Puruliạ jilạ reak̕ kasipur rạjạri (General se̠ ST barhe jaega ) ṭhạ̃i kho̠n.

Mn. Dulal Murmu (AITMCren MLA), Jhargram reak̕ noeagram rạjạri (ST) ṭhạ̃i kho̠n.

Mn. Debnath Hãsdak̕ (AITMCren MLA), Jhargram reak̕ noeagram rạjạri (ST) ṭhạ̃i kho̠n.

Mn. Rajib locon Soren (AITMCren MLA), Jhargram reak̕ binpur rạjạri (ST) ṭhạ̃i kho̠n.

Mn. Mritunjoe Murmu (AITMCren MLA), Jhargram reak̕ noeagram rạjạri (ST) ṭhạ̃i kho̠n

Comments are closed.