Barea mask ho̠ro̠k̕re niro̠po̠n jạsti me̠nedae Research

Chạbi AFP

Mit̕ sãote jãhãe ho̠ṛ barea mask ho̠ro̠k̕lenkhan, uni do̠ ko̠rona bhaeras ruạ kho̠n niro̠po̠n (Safe) do̠ho̠e lạgit̕ jạsti go̠ṛo̠e ńamak̕, oka do̠ mit̕ researchre rakap̕ he̠c̕akana. Ar niạ resarch kạmiey koraokada Americare menak̕ University of North Carolyna (UNC) Health Care.


Researchre me̠n hoyok̕kana, barea mask ho̠ro̠k̕lenkhan ko̠rona bhaeras ako̠ṭ lạgit̕ jạsti go̠ṛo̠e e̠mo̠k̕a. Mane barea mask ho̠ro̠k̕ lenkhan ko̠rona bhaeras mũ se̠ moca sor se̠te̠r kate hõ̠ ona bhaeras ucạr rokao daṛeak̕.

Noa researchren ayuric̕ tahẽ̠lena, Ameli sikbarṭ beneli ńutuman mit̕ ho̠ṛ . Uni do̠ UNC School of Medicine ucạr ruạ bivagren paṛhaoic̕ são mahasoe (Associate Professor) kanae. Ameli me̠ndea, Medikal kạmire beoharok̕kan mask reak̕ filtration daṛe ạḍi mõ̠ńjggea. Me̠nkhan onako ho̠ṛkoak̕ mocare ṭhik lekate baṅ tahẽ̠na.


Research lekate, mask reak̕ kạmi daṛe mit̕ ho̠ṛ kho̠n ar mit̕ ho̠ṛre judạ judạ leka hoyok̕a. Cedak̕ je mit̕ ke mit̕ moca reak̕ muṭhạn do̠ judạ judạgea. arhõ̠ judạ judạ ho̠ṛak̕ mask reak̕ muṭhạn aema lekan.


Researchre arhõ̠ ńe̠lo̠go̠k̕kana, Sergical mask cetan judi kicric̕ reak̕ mask ho̠ro̠lenkhan ona reak̕ kạmi daṛe so̠tkora 20% jạstiak̕.


Researcher Ameli me̠neda, Ko̠rona bhaeras ruạ pasnao bond lạgit̕ mask reak̕ kạmi dạre tinạk̕, ona ce̠t̕ leka researchre rakap̕ he̠c̕akana, oṅka leka rakap̕ he̠c̕akana barea mask ce̠t̕ lekae kạmieya ona renak̕ bisoe hõ̠.

Ko̠rona bhaeras ruạ birud reak̕ lạrhạire mit̕ jạruṛ hạtạir hisạbte ńe̠lo̠go̠k̕kana. ko̠rona bhaerasak̕ pasnao ako̠ṭ lạgit̕n judạ ho̠ṛmo̠ ạri (Health rule) pańja são são jạruṛ lekate mask ho̠ro̠k̕ko me̠neda . Goṭa disạm reak̕ aema ṭhạ̃ire ho̠ṛ samaṅre (Public Place) mask ho̠ro̠k̕ jạruṛgea me̠nteko ạnakada.

Comments are closed.