Teheń Lukhibar 8 April, 2021 Goṭa Disạmre Ko̠ro̠na Bhairas reak̕ dosar ḍos ṭikạ e̠m e̠hop̕ena.

February 27,2021 Baṅla disạmre mit̕ṭe̠n Nurs pạhil ṭikạ e̠mkate ṭikạ e̠m e̠ho̠p̕akana oaka do̠ March Cando 7,2021 kho̠n disạmren jo̠to̠ ho̠ṛ ṭikạ e̠m e̠ho̠p̕lena.
Ṭikạ hataokatere hõ mũ mocare reak̕ MASK beohar hoyok̕a sãote rua kho̠n rukhiạk̕ reak̕ ạn manao lekhan ko̠ro̠na bhairus kho̠n apnar jiṅgi ar jo̠to̠ko napaebon tahena.
Ṭikạ hatao reak̕ unuduk̕ dahar noṅka e̠m hoeakana:
1. Lukhibar 8 April, 2021 mobilete SMS ńamakat̕ko Ko̠ro̠na bhairas ruạ kho̠n rukhiạk̕ lạgit̕ dosar ḍos ṭikạ ńamko e̠ho̠p̕akana.
2. Ṭikạ ńam le̠gmankoge mobilere smsko ńama ar sms bako ńamak̕ noṅkanko modre okoeko bar cando lahara pạhil ṭikạ ńamakat̕ onko hõ akoak̕ ṭikạ kard pho̠ṭo̠kate ṭikạko e̠mok̕kan jagare ṭikạ hatao lạgit̕ko hijuk̕a.
3. Dosar ḍos ṭikạ hatao lạgit̕ko akoak̕ NIDko ạgutaraea. Ṭikạ kard jãhã lekatege at̕ se̠ bạṛic̕akanko do̠ online kho̠n Ṭikạ kardko hatao daṛewak̕a.
4. Pạhil ṭikạ ńam kho̠n Bar cando lahara dosar ṭikạ baṅ hatao daṛewa. Me̠nkhan ge̠l bar hapta modre hatao hoyok̕a.
5. Dho̠ro̠m manaore Hạji hoyok̕ me̠ne̠t̕kan modre Ge̠l Irạl umạr kho̠n centanko do̠ Ko̠ro̠na Ṭikạ hatao jạruṛakoa. Noa, ạn do̠ U.A. Eren disạm cak̕laokoko jạriwakada. Hạji hoyok̕ lạgit̕ U. A.Ete hijuk̕ lạgit̕te Ko̠ro̠na Ṭika̠ hatao reak̕ kagat jạruṛakoa.
6. Ṭika e̠m do̠ So̠no̠t Roja candor hõ hoe idik̕a. Noa lạgit̕te Onlinere form fil ap kate sms reak̕ unuduk̕ pontha lekate ṭika hatao hoyook̕a.
7. Jạruṛ lakate aema ṭikạ menak̕a. Ạuṛi katha alobon pạtiạk̕a ar Roja candore hõ ṭikạ hatao daṛewa.
8. Apnarak̕ ṭikạ jaga bodolkate dosar ṭikạ baṅ hatao daṛewa.
9. Ṭikạ e̠mok̕ se̠ hatao jagare MASK ho̠ro̠k̕ ạgui hoyok̕a ar pe̠ fiṭ pharak tahen hoyok̕a.
Do̠kṭo̠rko do̠ ko̠ro̠na ruạ kho̠n rukhiạk̕ lạgit̕ko me̠nakawat̕bona je̠ – Bah̕re kho̠n ruạṛkate 20 se̠ke̠ṇḍ ạrup̕ saphak̕ hoyok̕tabona, noa ạn jo̠to̠ko manao hoyok̕tabona. Jạruṛ khan 333,999 se̠ 16263 no̠mbo̠rre pho̠nkate gõ̠ṛõ̠ hatao hoyok̕tabona.

Comments are closed.