DINẠJPURRE SANTALI O̠NO̠LIẠKOAK̕ HE̠LME̠L

Baṅladisạm reak̕ Dinạjpur jilạ Karitas sobha oṛak̕re̠ holanok̕ setak̕ 10:30 kho̠n tikin tarasiń 2:00 hạbic̕ Santali o̠no̠liạko niạte̠ mit̕ṭe̠n He̠lme̠l hoyena. Noa he̠lme̠l do̠ sapṛao hoyle̠na Shikhạuna, Niro̠pon ho̠ṛmo̠ (Health) ar Ạricạli niạte kạmi idie̠t̕kan Santal juạnkoak̕ banadhao Kukmu Ḍiṇḍạ.

“Santali sãohẽ̠t̕ reak̕ laha ar nahak̕ o̠bo̠stha: Aboak̕ gaṇḍo̠n ar lạgti be̠bo̠stha” – noa niạte galmarao hoyena. Mit̕ṭe̠n pạrsi do̠ daṛean ocoe lạgit̕ jạruṛa to̠ttho̠ – upatto̠ ar go̠beso̠na. He̠lme̠lre pạrsite go̠be̠sona ar to̠ttho̠ko saṅge ocoe lạgit̕ santali̇te ạḍi jạsti o̠no̠l o̠lo̠k̕re jor e̠mo̠k̕ko goṭa baṛakeda. Kukmu Ḍiṇḍạre̠n mukhiạ So̠mres Ṭuḍu do̠ sanamko PIṚHI samoyiki sakamre (Magazine) santali o̠no̠lko jạsti jạsti kol reak̕ ardase do̠ho̠keda. Noa he̠lme̠lre Baṅladisạmre̠n aema o̠no̠liạ ar banadhao ayukoko (organisation leaders) se̠le̠t̕lena. Galmaraoko do̠ho̠leda Kukmu Ḍiṇḍạren maraṅ ạcuic̕ (Chief Adviser) Dr. Hilarius Hembro̠m , go̠ṛo̠ ạcuic̕ (assistant adviser) Sebastian Hembrom, Dinạjpur narsiṅ ko̠lejre̠n Prinsipal Magdalina Soren, So̠mo̠r soren, Raju He̠mbro̠m, Benjamin Soren, Maikel Baske arhõ̠ emanko . He̠lme̠l cacalaoic̕ le̠kateye tahẽ̠kana Mukul Kisku, Mukhiạ lekateye tahẽ̠kana Kukmu Ḍiṇḍạre̠n Mukhiạ So̠mres Ṭuḍu.

Comments are closed.