Harvarḍ Universiṭyre katha ro̠ṛ lạgit̕ neõ̠ta ho̠ho̠e ńamakada Jharkhạṇḍ rajren CM Hemanta Soren

Harvarḍ Universiṭy reak̕ sermakiạ ‘India Conference’ katha ro̠ṛ lạgit̕ neõ̠tae ńamakada Jharkhanḍ rajren mano̠tan Cheif minister Hemanta Soren. Daraekan 2021 serma reak̕ 20 februạri tạrik o̠ṇḍe̠ uniak̕ katha ro̠ṛ so̠do̠r reak̕ katha menak̕a. Oka do̠ jharkhanḍ raj reak̕ sarkạri aphis kho̠n baḍaeok̕kana. India conference lạgit̕ sapṛaoakan irạl ge̠l noa sabha reak̕ aso̠l bisoe taṛhao hoekana ‘Jharkhanḍ rajre girạbạsiakan ho̠ṛkoak̕ ạidạri, utrạu ar bhạlại-lahanti ạri’
Jharkhanḍ raj reak̕ sarkạri aphis kho̠n baḍaeok̕kana Cheif Minister daraekan 2021 serma reak̕ februạri cando katha ro̠ṛ lạgit̕ neota e̠m hoeakana ar CM do̠ niạ neõ̠tae aṅgo̠ckada. Ac̕ neõ̠ta e̠m lạgit̕ uni do̠ Harvarḍ Universiṭyre sanam ạmạli (authority) ạḍi saṛhao e̠mkatkoae.
Jharkhanḍ mit̕ṭe̠n ạḍibạsi raj kana. Ar ona katha disạkatege uni do̠ neõ̠ta e̠m hoeakana. Uniak̕ ro̠ṛ do̠ khạli ạdibạsikoak̕ utrạu ar lahanti bisoe cetan baṅ tahẽ̠na. Ac̕ak̕ sarkạr ko̠rona halo̠t o̠kte̠ ce̠t̕ lekate kạmiakda ona do̠ gạhir machatey uniy lại so̠do̠ra.
Hemanta Soren do̠ noa neõ̠tae kolkadea Harvarḍ keneḍi iskulren Senior fellow Suruj iyaṅgre. Uni o̠lakada ạdibạsikoak̕ utrạu ar lahanti lạgit̕ am okako kạmi ar goṭa hataoakada ona lạgit̕ ale do̠ ạḍi go̠ro̠ble aṭkareda. Amak̕ o̠nto̠r ńe̠l ar administration hunạr aema ho̠ṛge ạḍi ase e̠mkat̕koa ar Democray hõ̠ ạḍi kajak̕kada. Amerikare o̠lo̠k̕ paṛhao koṛa kuṛiak̕ ayurte ‘India Conference’ dhạrti reak̕ ạḍi maraṅ gapalmarao sabhakana. Jharkhanḍ rajre menako rajạri do̠l Jharkhanḍ mukti morca noa neota reak̕ kho̠bo̠r karo̠nte ạḍi rạskạko ạikạueda. Onkoak̕ katha ạḍibạsikoak̕ utrạu ar lahanti lạgit̕ Hemanta sarkar aema kurmuṭue hataoakada. Noa Conference lekate goṭa dhạrtire ạḍibạsikoak̕ lahanti lạgit̕ ac̕ak̕ hataoakan kạmikoe ro̠ṛ so̠do̠r daṛeak̕ ho̠ṛko samaṅre.

Comments are closed.